گەرمانيا كانتسلەرى انگەلا مەركەل ۇلىبريتانيادا پرەمەر-مينيستر بوريس دجونسونمەن كەزدەسەدى. بۇل – مەركەلدىڭ كانتسلەر رەتىندەگى سوڭعى ساپارى.
2005 جىلدان بەرى كانتسلەر بولعان انگەلا مەركەلدىڭ 22-ءشى ساپارى دجونسوننىڭ لوندونعا جاقىن جەردە ورنالاسقان رەزيدەنتسياسىندا وتەدى.
26 قىركۇيەكتە گەرمانيادا پارلامەنتتىك سايلاۋ وتەدى، بىراق قازىرگى كانتسلەر فەدەرالدىق ۇكىمەتتىڭ توراعاسى قىزمەتىنە ءوز كانديداتۋراسىن قايتا ۇسىنبايتىنىن مالىمدەدى.
ۇلىبريتانيا پرەمەرى دجونسون: «مەركەل كانتسلەر بولعان 16 جىلدان استام ۋاقىت ىشىندە لوندون-بەرلين بايلانىسى نىعايىپ، دامىعان داۋىرگە قادام باستى. ءبىزدىڭ ورتاق جوبالارىمىز، كاسىپورىندارىمىز بولاشاق ۇرپاققا مۇرا بوپ قالادى»، – دەدى.
ساپار بارىسىندا تاراپتار وتە جۇقپالى دەلتا كوروناۆيرۋس شتاممىنىڭ تارالۋىنا بايلانىستى ساياحاتقا شەكتەۋ قويۋدى قاراستىرماق. سونداي-اق، كەلىسسوزدەر بارىسىندا ۇلىبريتانيادان سولتۇستىك يرلاندياعا ازىق-تۇلىك جەتكىزۋ كەلىسىمى تالقىلانباق.
سونىمەن قاتار مەركەل ەليزاۆەتا ءIى پاتشايىممەن دە كەزدەسەدى. 2015 جىلى ولار گەرمانيا كانتسلەرياسىندا كورولدىك ساپار كەزىندە كەزدەسكەن. ال 2008 جانە 2014 جىلدارى ەليزاۆەتا II مەركەلدى بۋكينگەم سارايىندا قابىلدادى.
تالعار تراگەدياسى: قىزىلقايراتتاعى قىلمىسقا قاتىستى جەتى ءىس قوزعالدى
قىزىلورداداعى №60 مەكەمەدەن حات: قاماۋداعى دۋمان مۇحامەتكارىم قاۋىپسىزدىك سۇرايدى
تالعارداعى قاندى وقيعا: ءىىم-گە جولدانعان ساۋال جانە قوعام كۇتكەن جاۋاپ
تالعاردا تاعى دا قاندى وقيعا. پوليتسيانىڭ جاۋاپسىزدىعى ما، جۇيەلىك داعدارىس پا؟
قايرات قوجامجاروۆقا قاتىستى تەرگەۋ: نازارباەۆ ءداۋىرىنىڭ ىقپالدى شەنەۋنىگىنە كەزەك كەلدى
ORDA حابارى، اقوردا رەاكتسياسى جانە سادىقوۆ ءىسى: نە بولىپ جاتىر، نەنى بايقادىق؟