جاپونيانىڭ قۇرلىقتاعى ءوزىن-ءوزى قورعاۋ كۇشتەرى مەن اقش قارۋلى كۇشتەرى «Orient Shield» اۋقىمدى اسكەري جاتتىعۋىن وتكىزبەك. 

جاپونيانىڭ قورعانىس ءمينيسترى نوبۋو كيشيدىڭ حابارلاۋىنشا، جاتتىعۋ 24 ماۋسىم مەن 11 شىلدە ارالىعىندا جاپونياداعى بازالاردا وتەدى. مينيستر مالىمدەمەسىندە: «جاپونيا اينالاسىنداعى ايماقتىق قاۋىپسىزدىك جاعدايى كۇننەن كۇنگە ۋشىعىپ بارادى. سول سەبەپتى جاپونيا مەن اقش اسكەري كۇشتەرى اراسىنداعى ىنتىماقتاستىقتى نىعايتۋ وتە ماڭىزدى. بۇل ءوز كەزەگىندە جاپون-امەريكالىق ستراتەگيالىق وداقتاستىقتىڭ نىعايۋىنا ىقپال ەتەدى»، – دەدى.

ەكى ەل 1985 جىلدان بەرى «Orient Shield» اتاۋىمەن بىرلەسكەن جاتتىعۋلار وتكىزىپ كەلەدى. تاراپتار بۇل مانەۆرلەردى ەكى ەلدىڭ اسكەري بولىمدەرى اراسىنداعى ءوزارا ءىس-قيمىلدى نىعايتۋعا، سونداي-اق تاكتيكالىق جانە جاۋىنگەرلىك ازىرلىكتى ارتتىرۋ ماقساتىندا باستاعان.

"The Qazaq Times"