ەۋروپالىق وداق قىرىم اننەكسياسىنا بايلانىستى رەسەيگە ەنگىزىلگەن سانكتسيا مەرزىمىن ءبىر جىلعا ۇزارتتى. بۇل جونىندە بريۋسسەلدە وتكەن ەو كەڭەسىندە ءمالىم بولدى.

سانكتسيالار ەۋروپا كاسىپكەرلەرىنىڭ قىرىم كاسىپورىندارىمەن ەكونوميكالىق بايلانىس ورناتۋىنا تىيىم سالادى. سونىمەن قاتار ەۋروپالىق اۆياكومپانيالاردىڭ قىرىمعا ۇشۋىنا جانە كەمەلەردىڭ قىرىم پورتتارىنا كىرۋىنە شەكتەۋ قويىلدى.

سانكتسيالاردىڭ بۇل ءبولىمى ەۋروپالىق وداقتىڭ رەسەيگە قارسى 2014 جىلى ەنگىزگەن ءۇش شەكتەۋىنىى ءبىرى سانالادى. وعان قوسا، ەو ۋكرايناداعى جاعدايدى تۇراقسىزداندىردى دەپ سانايتىن رەسەيدىڭ جەكە جانە زاڭدى تۇلعالارى دا قارا تىزىمگە ەنگىزىلگەن. ول جىل سايىن – ناۋرىز جانە قىركۇيەكتە 6 ايعا جاڭارتىلادى.

ال ءۇشىنشى پاكەت – قورعانىس جانە مۇناي سالاسىنداعى بىرقاتار رەسەيلىك مەملەكەتتىك كومپانيالارعا، سونداي-اق بەس جەتەكشى رەسەيلىك بانككە قارسى سالالىق ەكونوميكالىق سانكتسيالار. ولار جىلىنا ەكى رەت – قاڭتار مەن شىلدەدە ۇزارتىلادى.

"The Qazaq Times"