رەسەي وزبەكستانعا اسكەري تەحنيكا جەتكىزەدى

رەسەيدىڭ فەدەراتسيا كەڭەسى ءاسكەري تەحنيكانى ءوزبەكستانعا جەتكىزۋ تۋرالى ءۇكىمەتارالىق كەلىسىمدى ماقۇلدادى. بۇل تۋرالى "پارلامەنتسكايا گازەتا"-عا سىلتەمە جاساپ «ورتالىق ازيا حابار قىزمەتى» حابارلادى.

فەدەراتسيا كەڭەسىنىڭ قورعانىس جانە قاۋىپسىزدىك جونىندەگى كوميتەت مۇشەسى ولگا كوۆيتيديدىڭ ايتۋىنشا، 2016 جىلى قاراشادا ماسكەۋدە قول قويىلعان بۇل قۇجات ەكى مەملەكەتتىڭ يگىلىگىنە قىزمەت ەتەدى.

اسكەري تەحنيكا جەتكىزۋشى مەملەكەت ونىڭ ماقساتتى قولدانعانىن قاداعالايدى، كەلەسى تاراپ مۇنداي شارتتىڭ بۇزىلماۋىن قاداعالاۋى ءتيىس.

بۇل ەرەجەنىڭ ورىندالۋىن رەسەيدىڭ اسكەري-تەحنيكالىق ارىپتەستىك جونىندەگى فەدەرالدىق قىزمەتى جانە وزبەكستاننىڭ قورعانىس مينيسترلىگى قاداعالايدى. بىراق رەسەيدىڭ وزبەكستانعا ناقتى قانداي قارۋ جەتكىزەتىنى تۋرالى ەشتەمە ايتىلمادى.

“The Qazaq Times”