جاقىندا عانا كارانتين شەكتەۋلەرى جەڭىلدەي باستاعان گەرمانيادا بريتاندىق شتام دەرەگى ارتتى. Handelshblat نەمىس باسىلىمىنىڭ مالىمەتىنشە، ەلدە پاندەميانىڭ ءۇشىنشى تولقىنى باستالعان.

گەرمانيا دەنساۋلىق ساقتاۋ مينيسترلىگى حالىقتىڭ 80%-ى ۆاكتسينا قابىلداعاندا عانا كوروناۆيرۋستىق شەكتەۋلەر الىناتىنىن مالىمدەدى.

دەنمين يەنس شپان رەسمي مالىمدەمەسىندە: «بۇگىنگى اقپارات بويىنشا ەۋروپالىق وداقتىڭ كەيبىر ەلدەرى AstraZeneca ۆاكتسيناسىن ەگۋدى توقتاتىپ قويدى. بىراق كوپ بولىگى وسى ەكپەنى سالىپ جاتىر. سەبەبى ولار ساراپشىلار مەن ءتيىستى ورگانداردىڭ ۇسىنىمدارى مەن قورىتىندىلارىنا سەنەدى. مەن تەز تاپسىرىلاتىن تەستىلەردىڭ قاجەتتىگىن باسا ايتقىم كەلەدى. بۇل ىندەتكە قارسى كۇرەستە وتە ماڭىزدى قۇرال. بەتپەردە تاعۋ مەن اراقاشىقتىق ساقتاۋدىڭ دا ماڭىزى ەرەكشە»، – دەدى.

ەكىنشى توقساندا نەمىس حالقى 60 ميلليون دوزا سالدىرادى. ونىڭ جارتىسى BioNTech جانە Pfizer پرەپاراتىنا تيەسىلى. AstraZeneca ۆاكتسيناسىنان بىرقاتار ەل باس تارتىپ وتىرسا دا، گەرمانيا بۇل ەكپەنىڭ 17 ميلليون دوزاسىن ساتىپ الماقشى. بيلىك اتالعان پرەپاراتتى جاسى 65-تەن اسقان تۇرعىندارعا ەگۋگە رۇقسات بەرگەن. بۇعان دەيىن نەمىس ەلىنىڭ 6 ميلليون ازاماتى كوۆيدتەن قورعايتىن العاشقى دوزانى العان. ال ەكىنشى دوزانى ازىرگە 2 ميلليون 700 مىڭداي تۇرعىن سالدىردى.

"The Qazaq Times"