مينسك سوتى TUT.BY سايتىنىڭ ءتىلشىسى ەكاتەرينا بوريسەۆيچتى 6 ايعا، دارىگەرى ارتەم سوروكيندى 2 جىلعا باس بوستاندىعىنان ايىردى. سوت ولارعا «مەديتسينالىق قۇپيانى اشتى» دەگەن ايىپ تاقتى.
دارىگەر مەن جۋرناليست رومان بوندارەنكونى «قۇقىق قورعاۋ قىزمەتكەرلەرىنىڭ ولتىرگەنى» تۋرالى اقپاراتتى راستايتىنداي دەرەكتەر ۇسىنىپ، ونىڭ قازاسى تۋرالى بەلارۋس ۇكىمەتىنىڭ رەسمي مالىمدەمەسىن جوققا شىعارعان. جۋرناليست ءوزى قىزمەت ەتەتىن TUT.BY سايتىنا بوندارەنكو قايتىس بولار الدىندا ىشىمدىك قولدانباعانىن جازعان.
بۇل جاريالانىمعا دەيىن پرەزيدەنت لۋكاشەنكو مەن بيلىك وكىلدەرى بەلسەندى ماس بولعان دەگەن مالىمدەمە جاسادى. ال مارقۇمنىڭ تۋىستارى بوندارەنكونىڭ قازاسى تۋرالى ماتەريالدى جاريالاۋعا رۇقسات بەرگەنىن ايتتى.
ەۋرووداق بوندارەنكونىڭ ولىمىنە بەلارۋس بيلىگىن كىنالادى. ەۋرووداقتىڭ سىرتقى ساياسات جونىندەگى جوعارعى وكىلى مالىمدەمەسىندە بوندارەنكو قازاسىن «ازاماتتارىن قۋدالاپ قانا قويماي، ولاردى ادام قۇرلى كورمەيتىن لۋكاشەنكو باستاعان بيلىكتىڭ زىعىرداندى قايناتاتىن ورەسكەل ارەكەتى» دەپ اتاعان.
رومان بوندارەنكو بىلتىر 11 قاراشادا ميتينگ وتەتىن «وزگەرىستەر الاڭى» دەپ اتالاتىن اۋلادا ماسكا تاققان بەلگىسىز بىرەۋدەردىڭ شابۋىلىنان كەيىن قازا تاپتى. الەكساندر لۋكاشەنكو بۇعان دەيىن بوندارەنكو ماس بولعاندىقتان پوليتسياعا جەتكىزىلگەنىن ايتقان. ال بەلارۋس تەرگەۋ كوميتەتى بەلسەندى جەرگىلىكتى تۇرعىندارمەن توبەلەسىپ جاراقاتتاندى دەپ مالىمدەگەن. ال دارىگەر ارتەم سوروكين مەن جۋرناليست ەكاتەرينا بوريسوۆيچ بيلىكتىڭ بوندارەنكو ولىمىنە قاتىستى رەسمي مالىمدەمەسىن جاريا تۇردە جوققا شىعارعان. دالەل رەتىندە TUT.BY سايتىندا بوندارەنكونى اۋرۋحانادا العاش رەت قاراعان كەزدەگى قۇجات كورسەتىلدى.
كەيىنىرەك وقيعا كەزىندە تۇسىرىلگەن فوتوسۋرەتتەردە بەلارۋس حوككەي فەدەراتسياسىنىڭ توراعاسى دميتري باسكوۆقا ۇقسايتىن ادامنىڭ بولعانى انىقتالدى. وسىعان بايلانىستى 2020 جىلى جەلتوقساننىڭ سوڭىندا حالىقارالىق فەدەراتسيانىڭ تارتىپتىك كوميسسياسى باسكوۆقا قاتىستى تەرگەۋدى باستاعان. بىراق بەلارۋس وپپوزيتسياسى دا بەلسەندىنىڭ قازاسىنا كىنالىلەرىدىڭ ءالى كۇنگە دەيىن بوستاندىقتا جۇرگەنىن ايتادى.
13 قاراشادا بەلارۋستىڭ كوپتەگەن قالالارىندا 31 جاستاعى رومان بوندارەنكونى ەسكە الۋ شاراسى ءوتتى. وعان جۇزدەگەن ادام جينالدى. الەۋمەتتىك جەلىدە «ىنتىماق شەرۋىنە» شاقىرعان ۇراندار تارادى. مينسك پەن بىرقاتار قالالاردا وپپوزيتسيانىڭ اق-قىزىل ءتۇستى تۋى مەن پلاكاتتار ۇستاعان ادامدار شەپ قۇردى.
بەلارۋستە تاۋەلسىز ۇيىمداردى ءتىنتۋ مەن جۋرناليستەردى قاماۋعا الۋ ءالى دە جالعاسىپ جاتىر. 17 اقپاندا بەلارۋستە پوليتسيا ونداعان جۋرناليست پەن قۇقىق قورعاۋشىلارعا ءتىنتۋ جۇرگىزگەن بولاتىن. ءتىنتۋ ەلدىڭ بارلىق وبلىس ورتالىقتارىندا – مينسك، برەست، گومەل جانە باسقا ايماقتاردا تاڭەرتەڭ باستالعان. ناتيجەسىندە، بەلگىسىز سەبەپتەرمەن ەكى ادام قاماۋعا الىنعان. مينسكىدە ولار بەلارۋس جۋرناليستەر قاۋىمداستىعىنىڭ باسشىلىعىنا دا ءتىنتۋ جۇرگىزدى. كەيىننەن پوليتسيا ۇيىمنىڭ كەڭسەسىنە دە باردى. بۇل تاۋەلسىز ۇيىم 1995 جىلى بەلارۋس جۋرناليستەرىنىڭ رەسمي وداعىنا قارسى قۇرىلعان.
گومەلدە سەگىز تاۋەلسىز جۋرناليست پەن قۇقىق قورعاۋشىلار، موگيلەۆتە ەكى جۋرناليست جانە «ۆەسنا» رتالىعىنىڭ ەكى ايماقتىق قىزمەتكەرىن تەكسەردى. ساراپشىلار بەلارۋس بيلىگىنىڭ بۇل قادامىن «ءسوز بوستاندىعىنا قايشىلىق جانە ديكتاتۋرانىڭ ايقىن كورىنىسى» دەپ سانايدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟