اق ءۇي كرەملدى وتىرىكشى دەدى

اق ءۇي جوعارى شەندىلەرى سەيسەنبى كۇنى جاريالاعان حابارىندا، رەسەي جاعى جالعان اقپاراتتى ناسيحاتتاۋ ارقىلى ءسۇريانىڭ حيميالىق قارۋ قولدانعانىن بارىنشا كولەگەيلەۋگە تىرىسىپ كەلدى دەدى. ولاردىڭ ايتىسىنا قاراعاندا اقش ءسۇريا بيلىگىنىڭ حيميالىق قارۋدى پايدالانعانىن تولىقتاي راستايدى.

اقش مەملەكەتتىك حاتشىسى تيللەرسون جوعارى دەڭگەيدەگى كەلىسسوزدەرگە قاتىسۋ ءۇشىن ماسكەۋگە كەلگەن. ال اق ءۇي شەنەۋنىكتەرى ءسۇريا ىسىنە بايلانىستى ماسكەۋگە دەگەن قىسىمدى ارتتىرۋدى ويلاپ وتىر. سەبەبى، ولاردىڭ ويىنشا باشار اسادتىڭ حيميالىق قارۋ پايدالانۋىنا قولداۋشى بىردەن ءبىر رەسەي بولماق.

رەسەي مەن ءسۇريا كۇشتەرىنىڭ زىمىران شابۋىلىنا جانتالاسا قارسىلىق ءبىلدىرۋى اق ءۇي مەن پەنتاگوننىڭ جوعارىدا ايتىلعانداعىداي كۇمانىن تۋدىرىپ وتىر.

ءسۇريا جاق بىرنەشە رەت قوسالقى حيميالىق شابۋىل جاساعانىن تەرىسكە شىعارىپ وتىر. رەسەيدىڭ كورسەتكەن اقپارىندا ءسۇريا قوسىنى اۋەدەن شابۋىلداعان، ال قارسى توپ حيميالىق قارۋ پايدالانعان ەكەن.

اق ءۇيدىڭ سەيسەنبى كۇنگى مالىمدەمەسىندە رەسەيدىڭ بۇل اقپاراتى جۇرتتىڭ كوزىن كولەگەيلەپ، وزگەلەردى الجاستىرۋ دەپ سىنعا الدى.

“The Qazaq Times”