ەقىۇ قىرعىزستانداعى پرەزيدەنت سايلاۋىندا تەڭدەي باسەكە بولعان جوق دەپ مالىمدەدى. سايلاۋشىلاردىڭ نەبارى 40%-ى عانا قاتىسقان سايلاۋدا سادىر جاپاروۆتىڭ توبى ارتىق قارجىلاندىرىلعان. بۇل تۋرالى ەقىۇ-نىڭ قىسقا مەرزىمدى باقىلاۋشىلار ميسسياسىنىڭ ارنايى ۇيلەستىرۋشىسى جانە جەتەكشىسى پيتەر يۋەل-يەنسەن حابارلادى.
رەسمي وكىل مالىمدەمەسىندە: «ءبىز زاڭنامالىق بازا تەڭ سايلاۋدى قامتاماسىز ەتەتىنىن جانە تۇبەگەيلى بوستاندىقتار ساقتالاتىنىن انىقتادىق. ناۋقاننىڭ وزىندە ءبىر عانا كانديدات باسىم بولدى. ول پروپورتسيونالدى ەمەس قارجى جانە اكىمشىلىك رەسۋرستاردى پايدالانۋ ارقىلى ارتىقشىلىققا يە بولدى. سول سەبەپتى ەقىۇ بۇل كۇرەستى شىنايى ءوتتى دەپ سانامايدى»، – دەدى.
دەگەنمەن، رەسمي وكىل قىرعىزستانداعى سايلاۋ پروتسەسىن ۇيىمداستىرۋ بۇرىنعى دودالارعا قاراعاندا جوعارى وتكەنىن ايتادى.
10 قاڭتار قىرعىزستاندا پرەزيدەنت سايلاۋى ءوتتى. سول كۇنى قىرعىز حالقى ەكى مارتە داۋىس بەردى. ءبىرى – پرەزيدەنتتى سايلاۋ، ەكىنشىسى – مەملەكەتتىك باسقارۋ فورماسىن انىقتاۋ. العاشقى ناتيجە بويىنشا، پرەزيدەنت سايلاۋىندا ساناۋلى اي بۇرىن مەملەكەت باسشىسى مىندەتىن اتقارعان سادىر جاپاروۆ 79%-بەن جەڭىسكە جەتكەن، رەفەرەندۋم بويىنشا داۋىس بەرگەندەردىڭ 81 %-ى پرەزيدەنتتىك باسقارۋ فورماسىن قولداعان.
سادىر جاپاروۆ ايقىن باسىمدىقپەن جەڭىسكە جەتتى. ەلدە داۋىس بەرۋ اياقتالعاننان كەيىن ءباسپاسوز ءماسليحاتىن وتكىزگەن سادىر جاپاروۆ جەمقورلىقپەن كۇرەسۋگە، ساياساتىن «اشىق» جۇرگىزۋگە ۋادە بەردى. جاپاروۆ سوزىندە: «وتكەن 30 جىلدا جەمقورلىق ەلدەگى قوعامدىق ءومىردىڭ بارلىق سالاسىن جايلادى. مۇنداي باسسىزدىققا ەندى جول بەرمەيمىز. ءبىز بۇرىنعى باسشىلاردىڭ قاتەلىگىن قايتالامايمىز. بارلىق جۇمىس اشىق جۇرگىزىلەدى»، – دەدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟