اقش-تا جاپپاي ۆاكتسيناتسيالاۋ باستالادى

دونالد ترامپ اقش-تا كوروناۆيرۋسقا قارسى ۆاكتسيناتسيا كەلەسى اپتادا باستالاتىنىن مالىمدەدى. 

اقش پرەزيدەنتى دونالد ترامپ: «ۆاكتسينانىڭ دايىن بولۋىنا از عانا قالدى. باسقا پرەزيدەنتتىڭ اكىمشىلىگى بۇعان بەس جىل ۋاقىت جۇمسار ەدى. ال ءبىز جاڭا ءدارىنى نەبارى جەتى ايدا ازىرلەپ شىقتىق. ەندى كەلەسى اپتادان باستاپ جاپپاي ۆاكتسيناتسيالاۋ جۇمىسى باستالادى»، – دەپ مالىمدەدى.

امەريكادا سوڭعى تاۋلىكتە 214 مىڭ جاڭا دەرەك تىركەلدى. CNN تەلەارناسىنىڭ مالىمەتىنشە، قاۋىپتى ىندەت نەبارى بەس كۇندە ءبىر ميلليوننان استام ادامعا جۇققان.

بۇعان دەيىن الەمدە ەكى ۆاكتسينا كلينيكالىق سىناقتىڭ سوڭعى ءۇشىنشى فازاسىن اياقتاعان. قازىر باسقا ون ەكپە سىناقتىڭ سوڭعى كەزەڭىنەن وتكىزىلىپ جاتىر.

سىناقتان ءساتتى ءوتىپ، كوروناۆيرۋستى ەمدەۋدە 90%-دان ارتىق دالدىك كورسەتكەن ۆاكتسينالار قاتارىندا Pfizer, BioNTech فارماتسەۆتيكالىق كومپانياسى جاساعان ەكپە جانە امەريكالىق مoderna ەكپەسى بار. امەريكالىق Pfizer جانە ونىڭ گەرمانيالىق سەرىكتەسى BioNTech كومپانياسى بىرلەسىپ ازىرلەگەن ۆاكتسينانىڭ تيىمدىلىگى كلينيكالىق سىناقتا 90%-دان استام وڭ ناتيجە كورسەتكەن.

"The Qazaq Times"