«تاۋەلسىزدىك – تىرەگىم» – «قۇندىلىق»-تىڭ ونلاين شاراسى ءوتتى

4 قازان كۇنى الماتىداعى قازاقستان جازۋشىلار وداعىنىڭ «ادەبيەتشىلەر ۇيىندە» «قۇندىلىق» قوعامدىق قورىنىڭ ۇيىمداستىرۋىمەن «تاۋەلسىزدىك – تىرەگىم» اتتى پاتريوتتىق شىعارمالار كەشى ءوتتى.

دارىندى مەكتەپ وقۋشىلارى پاتريوتتىق ولەڭدەرىن وقىدى.

كەش الماتى قالاسى قوعامدىق دامۋ باسقارماسىنىڭ قولداۋىنداعى «پاتروتتىق رۋح – باستى قۇندىلىق» جوباسى اياسىندا وتكەن.

ۇشقىن جامالبەك "كەيكى مەرگەن" انىمەن.

ونلاين فورماتتا وتكەن شاراعا «حاس-ساق» ەتنو-ءانسامبلى مەن بەلگىلى انشىلەر ۇشقىن جامالبەك، سايا ماحامبەت جانە جاسوسپىرىمدەردىڭ «ادەمى» بي-ءانسامبلى، سونداي-اق، دارىندى مەكتەپ وقۋشىلارى قاتىستى.

شارادا، 1986 جىلعى جەلتوقسان وقيعاسى ۇلىقتاعان، پاتريوتتىق رۋحدى وياتاتىن ولەڭدەر وقىلدى، اندەر ايتىلىپ، كۇيلەر شەرتىلدى.

كەشكە قاتىسقان بىرنەشە «جەلتوقسانشىلار» ۇيىمىنىڭ جەتەكشىلەرى سوڭىندا جاستار مەن جاسوسىپىردەرلىڭ پاتريوتتىق شاراسىنا جوعارى باعا بەرىپ، ۇلتتىق رۋحتى وياتاتىن، ەتنوگرافيالىق قۇندىلىقتارىمىزدى ناسيحاتتايتىن شارالاردىڭ جالعاسۋىنا تىلەك ءبىلدىرىپ تاراستى.

“The Qazaq Times”