بەلارۋس سىرتقى ىستەر مينيسترلىگى ەلدەگى ۋكراينا ەلشىسىنە نارازىلىق نوتاسىن بەردى. نوتا جولداۋدىڭ باستى سەبەبى – ۋكريانادا ۇنەمى ۇيىمداستىرىلىپ وتىرعان انتيبەلارۋس ميتينگتەرى.
بەلارۋس ءسىم حابارلاماسىندا: «26 قاراشادا بەلارۋس رەسپۋبليكاسىنىڭ سىرتقى ىستەر مينيسترلىگىنە ۋكراينا ەلشىسى يگور كيزيم شاقىرىلدى. ۋكراينا ديپلوماتىنا ءسىم نوتاسى بەرىلدى. بۇل ارقىلى ءبىزدىڭ تاراپ ۋكراينادا بەلارۋسكە قارسى جالعاسىپ جاتقان بىرقاتار اكتسيالارعا بايلانىستى نارازىلىق بىلدىرەدى»، – دەلىنگەن.
رەسمي ۆەدومستۆو مينسك 1961 جىلعى 18 ساۋىردەگى ديپلوماتيالىق قاتىناستار تۋرالى ۆەنا كونۆەنتسياسىنىڭ نورمالارىنا سايكەس بەلارۋس ديپلوماتيالىق ميسسياسىنىڭ قاۋىپسىزدىگىن ءتيىستى دەڭگەيدە قامتاماسىز ەتۋدى تالاپ ەتەتىنىنمالىمدەدى. سونىمەن قاتار حابارلامادا: «ۋكراينا ەلشىسىنە كيەۆتىڭ قۇزىرەتتى ورگاندارى ارانداتۋشىلىقتىڭ الدىن الماي، ەلدە انتيبەلارۋس شەرۋلەرىنىڭ ءالى دە جالعاسىپ جاتقاندىعىن ەسكەرتتىك»، – دەلىنگەن.
9 تامىزدا بەلارۋستە پرەزيدەنتتىك سايلاۋ ءوتىپ، ناتيجەسىندە ورتالىق سايلاۋ كوميسسياسى شيرەك عاسىر بيلىك ەتكەن الەكساندر لۋكاشەنكونىڭ جەڭىسىن جاريالادى. وپپوزيتسيا پرەزيدەنت سايلاۋىنىڭ رەسمي قورىتىندىسىن مويىنداۋدان باس تارتىپ، ەلدە ساياسي داعدارىس ۋشىعا ءتۇستى. ازاماتتىق بەلسەندىلەر سايلاۋ قورىتىندىسى بۇرمالاندى دەپ سانايدى. لۋكاشەنكونىڭ وتستاۆكاسىن تالاپ ەتكەن نارازىلىق شارالارى ەلدىڭ ءتۇرلى قالالارىندا جالعاسىپ جاتىر.
بەلارۋس حالقىن قولداۋ ماقساتىندا ۋكراينادا بىرقاتار شەرۋلەر وتكەن.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟