يراننىڭ كوروناۆيرۋس تارالۋى بويىنشا «قىزىل» ايماعىنا ەنگەن بىرقاتار قالالارىندا 21 قاراشادان باستاپ قالا ىشىندە جۇرۋگە تىيىم سالىندى. بۇل تۋرالى Fars اگەنتتىگى حابارلادى.
زاڭ بويىنشا تىيىم ەكى اپتا بويى كۇن سايىن 21:00-دەن 04: 00-گە دەيىن كۇشىندە بولادى. سونىمەن قاتار، بارلىق جەكە جانە مەملەكەتتىك مەكەمەلەردىڭ جۇمىسىن شەكتەۋدى كوزدەيتىن كارانتين ەنگىزىلىپ جاتىر.
بارلىعى 150-گە جۋىق قالادا، ونىڭ ىشىندە تەھراندا ەكى اپتاعا قاتاڭ شەكتەۋلەر ەنگىزىلدى.
يران پرەزيدەنتى حاسان رۋحاني سەنبىدە ەل بيلىگى پاندەميانىڭ سوڭىنا دەيىن كۇشىندە بولاتىن ارنايى شەكتەۋلەر جۇيەسىن ەنگىزەدى دەپ مالىمدەگەن. ءوز كەزەگىندە كوروناۆيرۋسپەن كۇرەس جونىندەگى ۇلتتىق شتاب وكىلى اليرەزا رايسي شەكتەۋلەر بەلگىلى ءبىر ايماققا تاعايىندالعان سىرقاتتانۋ دەڭگەيىنە سايكەس انىقتالاتىنىن اتاپ ءوتتى. بارلىعى ءۇش دەڭگەي بار: قىزىل، قىزعىلت سارى جانە سارى.
ەندى 18 قاراشادان باستاپ جولاۋشىلاردى تاسىمالداۋ تەك كوروناۆيرۋستىق تەستىلەۋدىڭ تەرىس ناتيجەسى بولعان جاعدايدا عانا رۇقسات ەتىلمەك.
سوڭعى ايلاردا يراندا ينفەكتسيا جۇقتىرعاندار سانى كوبەيە باستادى. بيلىك مۇنى «كوروناۆيرۋستىڭ ءۇشىنشى تولقىنى» دەپ اتاعان. 16 قاراشاداعى جاعداي بويىنشا ۆيرۋس جۇقتىرعانداردىڭ جالپى سانى 775 121 ادامعا جەتتى، 564 699 ادام ساۋىققان. ال قايتىس بولعاندار سانى – 41 989 ادام.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟