ەۋروپادا كوروناۆيرۋستىڭ ەكىنشى تولقىنىنا بايلانىستى بىرنەشە مەملەكەتتەردە شەكتەۋ شارالارى قاتاڭداتىلدى. بۇگىننەن باستاپ ۇلىبريتانيادا جەلتوقسانعا دەيىن كارانتين ەنگىزىلدى.
ءبىر اي ىشىندە تۇرعىنداردىڭ ۇيلەرىن نەگىزگى تاستاپ شىعۋىنا تىيىم سالىنادى. مەيرامحانالار مەن ءدامحانالار جانە ازىق-تۇلىك دۇكەندەرىنەن بولەك ساۋدا ورىندارىنىڭ ءبارى جابىلادى.
ەل پرەمەر-ءمينيسترى بوريس دجونسون ەنگىزگەن جاڭا تارتىپكە ساي ءبىر ۇيدە تۇرمايتىن ادامداردىڭ كەزدەسۋىنە تىيىم سالىنادى; كوشەدە 6 ادامنان ارتىق جينالۋعا بولمايدى. سونىمەن قاتار بريتانيا بيلىگى قوعامدىق كولىكتەردىڭ ورنىنا ۆەلوسيپەد، ەلەكتروساموكاتتى پايدالانۋعا جانە الىس ساپارعا شىقپاۋعا كەڭەس بەردى. ازىق-تۇلىك دۇكەندەرى مەن ءدارىحانالاردان باسقا نىساندار ۋاقىتشا جابىلادى.
ۇكىمەت كارانتين سوڭىنا دەيىن ەڭبەكاقىسىز قالعاندارعا جالاقىلارىنىڭ 80%-ءىن تولەۋدى جالعاستىرماق. ەگەر جاعداي تۇزەلسە، لوكداۋننان كەيىن بريتانيالىقتار 25 جەلتوقساندا تويلاناتىن كاتوليكتەردىڭ روجدەستۆوسىن وتباسىلارىمەن بىرگە اتاپ وتپەك.
ايتا كەتەيىك، ەۋروپادا كوروناۆيرۋستىڭ ەكىنشى تولقىنى كۇشەيە تۇسكەن. ۆيرۋستىڭ الدىن الۋ ماقساتىندا فرانتسيا مەن گەرمانيانىڭ بىرقاتار ايماقتارى وقشاۋلاۋ رەجيمىنە كوشسە، يتاليادا كومەندانتتىق ساعات ەنگىزىلدى. ال پولشا، ۆەنگريا سىندى مەملەكەتتەر كارانتين تالاپتارىن كۇشەيتتى.
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟
تالعار تراگەدياسى: قىزىلقايراتتاعى قىلمىسقا قاتىستى جەتى ءىس قوزعالدى
قىزىلورداداعى №60 مەكەمەدەن حات: قاماۋداعى دۋمان مۇحامەتكارىم قاۋىپسىزدىك سۇرايدى
تالعارداعى قاندى وقيعا: ءىىم-گە جولدانعان ساۋال جانە قوعام كۇتكەن جاۋاپ
تالعاردا تاعى دا قاندى وقيعا. پوليتسيانىڭ جاۋاپسىزدىعى ما، جۇيەلىك داعدارىس پا؟
قايرات قوجامجاروۆقا قاتىستى تەرگەۋ: نازارباەۆ ءداۋىرىنىڭ ىقپالدى شەنەۋنىگىنە كەزەك كەلدى