اقش جاپونيا تەرريتورياسىندا امەريكالىق اسكەري بازالاردى ۇستاۋ شىعىندارىن ءبولۋ تۋرالى كەلىسسوزدەردى باستادى. بۇل تۋرالى Kyodo اگەنتتىگى حابارلادى.
تاراپتار توكيو مەن ۋاشينگتون اراسىنداعى شىعىنداردى 2021 جىلدان باستاپ بەس جىلدىق كەزەڭگە ءبولۋدى تالقىلاپ جاتىر. سونىمەن بىرگە ەكى ەل ۇكىمەتتەرى ءبىر جىل مەرزىمگە اسكەري بازالارعا قاراجات ءبولۋ تۋرالى كەلىسىم جاساسۋدى دا قاراستىرعان. بۇل كەلىسسوزدەر اقش-تاعى پرەزيدەنت سايلاۋى اياقتالعاننان كەيىن قاراشادا جۇزەگە اسۋى ءتيىس.
بۇعان دەيىن اقش پرەزيدەنتىنىڭ ۇلتتىق قاۋىپسىزدىك جونىندەگى بۇرىنعى كومەكشىسى دجون بولتون 2019 جىلى ۋاشينگتون توكيودان امەريكالىق اسكەري بازالاردى قويۋعا جىل سايىن 8 ميلليارد دوللار ءبولۋدى تالاپ ەتكەنىن ايتقان. بۇل سوما قازىرگىدەن 4,4 ەسە كوپ. بولتوننىڭ ايتۋىنشا، اقش پرەزيدەنتى دونالد ترامپ شىعىندار كوبەيتىلمەسە، امەريكالىق ساربازداردى جاپونيادان تولىق شىعاراتىنىن ايتقان.
بيىل جاپونيا امەريكانىڭ اسكەري بازالارىن ءوز اۋماعىندا قويۋ ءۇشىن جالپى شىعىنى 199,3 ميلليارد يەن بولعان (قازىرگى باعام بويىنشا 1,8 ميلليارد دوللاردان استام). جاپونيا، اتاپ ايتقاندا، وسى وبەكتىلەرگە بايلانىستى بارلىق كوممۋنالدىق شىعىنداردى، سونداي-اق ولاردىڭ جەرگىلىكتى قىزمەتكەرلەرىنىڭ جالاقىلارىن تولەيدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟