كۇن ەنەرگياسىمەن جۇمىس ىستەيتىن زاۋىت

Tesla كومپانياسى سالىنىپ جاتقان Gigafactory زاۋىتىنىڭ سۋرەتتەرىمەن ءبولىستى. كۇنى كەشە قۇرىلىسى باستالعان زاۋىت بۇگىندە جوسپاردىڭ ءبىراز بولىگىن ورىنداپ ۇلگەرگەن. 456 مىڭ شارشى مەرت ايماقتى قامتيتىن بۇل زاۋىتتا 6 مىڭ ادام قىزمەت ەتەتىن بولادى. 

زاۋىت وندىرىسكە قاجەتتى ەلەكتر ەنەرگياسىن ءوزى وندىرەتىن ارنايى كۇن باتارەيالارىمەن جابدىقتالعان. قوسىمشا پانەلدەر زاۋىتتىڭ شاتىرىنىڭ بارلىق بولىگىنە  ورنالاستىرىلدى. كۇن شاتىرىنىڭ قۋاتى 70 مۆت.

فوتو: hi-news.ru

سونىمەن قوسا، زاۋىت سۋدى دا ءوزى تازارتىپ، قاجەتتى سۋ قورىمەن  تولىقتاي قامتاماسىز ەتىپ وتىرماق. بۇل ءۇشىن زاۋىتتى ارنايى تۇيىق ايماققا  سالعان، سول ارقىلى سۋدى 6 دەڭگەيلى تازارتۋ ارقىلى الا وتىرىپ، 80 پايىزعا دەيىن تۇششى سۋدى ۇنەمدەۋگە مۇمكىندىك تۋىپ وتىر. بولاشاقتا ەلەكتر ەنەرگياسىن  ۇنەمدەۋ ماقساتىندا كليماتتى رەتتەپ وتىراتىن ارنايى قۇرىلعىنى دا ورنالاستىرۋ جوسپاردا بار.

كومپانيا وكىلدەرى زاۋىتتى 2020 جىلى تولىقتاي ىسكە قوسۋدى جوسپارلاپ وتىر. بۇل جەردە Tesla ەلەكتروموبيلدەرىنە ارنالعان باتارەيالار مەن Powerwall اككۋمۋلياتورلارى جاسالاتىن بولادى.

“The Qazaq Times”