تاۋلى قاراباققا قاتىستى اسكەري جانجال ءالى دە جالعاسىپ جاتىر. تاياۋدا ءازىربايجاننىڭ قورعانىس مينيسترلىگى تاۋلى قاراباق اينالاسىنداعى ەلدى مەكەندەردى ارميان اسكەري كۇشتەرىنىڭ اتقىلاعانىن حابارلادى.
كەشە ستەپاناكەرتتىڭ ءار ءتۇرلى اۋداندارىندا 30-عا جۋىق زىمىران جارىلعان. قالادا ەسكەرتۋ دابىلى ۇنەمى قوسىلىپ تۇر. وسىعان دەيىن 200-دەن اسا ادام قايتىس بولعان. ولاردىڭ باسىم بولىگى – بەيبىت تۇرعىندار.
4 قازاندا يلحام اليەۆ: «ازەربايجاننىڭ ءبىر تالابى بار. ياعني، تەرريتوريالاردى بوساتسىن. تاۋلى قاراباق – ازەربايجاننىڭ اۋماعى، ءبىز ول جەردى قايتارۋعا مىندەتتىمىز»، – دەپ مالىمدەمە جاسادى. بىراق ارمەنيانىڭ بۇل تالاپتى ورىنداۋى ەكىتالاي.
بۇعان دەيىن ساراپشىلار ەكى ەل قاقتىعىسىندا تۇركيا مەن رەسەيدىڭ ساياسي مۇددەسى جاتقانىن ايتقان. وسىعان بايلانىستى ءازىربايجان پرەزيدەنتى يلحام اليەۆ انكارانىڭ باكۋدى قولدايتىنىن، بىراق تاۋلى قاراباق قاقتىعىسىنا ەشقانداي قاتىسى جوق ەكەنىن ايتتى.
27 قىركۇيەكتە ارمەنيا پرەمەر-ءمينيسترى نيكول پاشينيان ءازىربايجان قارۋلى كۇشتەرى تاۋلى قاراباق باعىتىنا شابۋىل جاسادى دەپ مالىمدەدى. ارمەنيا سىرتقى ىستەر مينيسترلىگىنىڭ حابارلاۋىنشا، ءازىربايجان ارمياسى ەلدى مەكەندەردى، سونىڭ ىشىندە تانىلماعان رەسپۋبليكانىڭ استاناسى ستەپاناكەرتكە شابۋىل جاساعان.
ءازىربايجاننىڭ قورعانىس مينيسترلىگى ءوز تاراپىنان ەل ارمياسى ارمەنيانىڭ بايلانىس شەبىندەگى شابۋىلىنا جاۋاپ رەتىندە شارالار قابىلداپ، جاعدايدى باقىلاۋدا ۇستاپ وتىرعانىن مالىمدەدى.
جاعداي ۋشىققان سوڭ، ارمەنيادا، ءازىربايجاندا جانە تانىلماعان تاۋلى قاراباق رەسپۋبليكاسىندا اسكەري جاعداي ەنگىزىلدى.
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟
تالعار تراگەدياسى: قىزىلقايراتتاعى قىلمىسقا قاتىستى جەتى ءىس قوزعالدى
قىزىلورداداعى №60 مەكەمەدەن حات: قاماۋداعى دۋمان مۇحامەتكارىم قاۋىپسىزدىك سۇرايدى
تالعارداعى قاندى وقيعا: ءىىم-گە جولدانعان ساۋال جانە قوعام كۇتكەن جاۋاپ
تالعاردا تاعى دا قاندى وقيعا. پوليتسيانىڭ جاۋاپسىزدىعى ما، جۇيەلىك داعدارىس پا؟
قايرات قوجامجاروۆقا قاتىستى تەرگەۋ: نازارباەۆ ءداۋىرىنىڭ ىقپالدى شەنەۋنىگىنە كەزەك كەلدى