فوتو: Plano Barzil

الەمدىك “The Guardian” باسىلىمى ۇلىبريتانيانىڭ ساۋد ارابياسىنا قارۋ ساتىپ بەرىپ وتىرعانىن ايىپتاۋدا. سونىمەن بىرگە يەمەندەگى جاي بۇقارانىڭ قىرىلۋىنا سەبەپشى بولعان ەلدەردىڭ ءبىرى دەپ سىنعا العان. بۇل تۋرالى «پارس.تودەي» حابارلايدى.

ۇلىبريتانيا پارسى شىعاناعىنداعى ەلدەرمەن ساۋدا-ەكونوميكالىق بايلانىس ورناتۋعا مۇددەلى. سونىڭ ىشىندە ساۋد ارابياسىنا قارۋ ساۋدالاۋ ءىسى دە بار. لوندون جاق مۇنداي قارۋ-جاراق ساتۋ تۋرالى زاڭ-ەرەجەلەرگە نەمقۇرايلىلىق تانىتىپ كەلەدى دەپ سىنايدى «The Guardian» باسىلىمى. باسىلىمدا: «ۇلىبريتانيا پرەمەر-ءمينيسترى تەرەزا مەي ساۋد ارابياسىنا قارۋ ساتىپ بەرۋدى كوزدەپ وتىر. بۇل ەلدىڭ ىشكى زاڭىنا اشىقتان اشىق قايشىلىق جاساعانمەن بىردەي. بريتان پرەمەر-ءمينيسترى يەمەندەگى ادامي اپاتقا كوڭىل بولمەستەن، ساۋد ارابياسىنا قارۋ ساتىپ بەرگىسى كەلەدى»، – دەپ جازىلعان.

ساۋد ارابياسىنا ۇلىبريتانيادان تىس فرانتسيا، اقش قاتارلى ەلدەر قارۋ ساتىپ بەرۋدە.

“The Qazaq Times”