وپپوزيتسيالىق ساياساتكەردى مۇحاممەد پايعامبارعا ءتىل تيگىزگەنى ءۇشىن ولتىرگەن

بۇگىن ماسكەۋدىڭ اسكەري  سوتىندا 2015 جىلدىڭ 27-ءشى اقپانىندا  ماسكەۋدە  وپپوزيتسيالىق ساياساتكەر بوريس نەمتسوۆتى اتىپ ءولتىردى دەگەن ايىپپەن قامالعان شاديد گۋباشەۆتىڭ نە ءۇشىن ساياساتكەردى ولتىرگەندىگى بەلگىلى بولدى – حابارلايدى ريا نوۆوستي.

شاديد گۋباشەۆتىڭ تەرگەۋ بارىسىندا قىلمىستى مويىنداعاندىعىن، نەمتسوۆتى مۇحاممەد پايعامبارعا، مۇسىلماندارعا ءتىل تيگىزگەندى ءۇشىن ولتىرگەندىگى جايىنداعى قۇجاتتاردى  پروكۋرور ماريا سەمەنەنكو جاريا ەتتى. بىراق سوت بارىسىندا شاديد گۋباشەۆ پروكۋرورمەن كەلىسپەيتىنىن ايتىپ، «ماعان قالاي ايتتى، سولاي جاسادىم» - دەپ. تەرگەۋ بارىسىندا وزىنە قىسىم جاسالعانىنا مەڭزەگەن.

ال بۇدان ءسال ەرتەرەكتە  ياعني  28 ناۋرىز كۇنى بوريس نەمتسوۆتىڭ ولىمىنە قاتىسى بار تاعى ءبىر ايىپتالۋشى شاديد گۋباشەۆتىڭ اعاسى انزوردىڭ، تەرگەۋ يزولياتورى  ىشىندە ۇيلەنۋ تويىن جاساعالى جاتقاندىعى بەلگىلى بولعان بولاتىن.

ەستەرىڭىزگە سالايىق بوريس نەمتسوۆتى ءولتىردى دەگەن ايىپپەن  زاۋر داداەۆ، ءتامىرلان ەسكەرحانوۆ، حامزات باحاەۆ، انزور گۋباشەۆ جانە شاديد گۋباشەۆتار قامالعان بولاتىن.

“The Qazaq Times”