يراندا قۇلاعان ۋكراينالىق ۇشاق اپاتىنا قاتىستى سوت ۇكىمى شىقتى

يراندا ۋكراينا ۇشاعىنىڭ قۇلاۋىنا قاتىسى بار دەپ ايىپتالعان 6 ادام ۇستالدى.

8 قاڭتاردا ورىن العان قايعىلى جاعدايعا «ادامي فاكتور» سەبەپ بولعاندىعى ايتىلادى. شەتەلدىك باق بۇل جاعدايدى «كاتاستروفالىق قاتەلىك» دەپ باعالادى. وسىعان دەيىن اپات سەبەبى جونىندە ءتورت بولجام بولعان: زىمىرانمەن اتىپ ءتۇسىرۋ، بورت ىشىندەگى تەراكت، ۇشاق موتورىنىڭ جانۋى نەمەسە ۇشقىشسىز ۇشاقپەن سوقتىعىسۋ.

سوت بيلىگىنىڭ وكىلى گولامحوسەين ەسمايلي وسى ۋاقىتقا دەيىن ۋكراينا ۇشاعىنىڭ قۇلاۋىنا قاتىستى ۇستالعان 6 ايىپتالۋشىنىڭ ۇشەۋى كەپىل سوما تولەپ قاماۋدان شىققانىن، تاعى ۇشەۋى قامالعانىن ايتتى.

تەھرانداعى يمام حومەني حالىقارالىق اۋەجايى ماڭىندا اپاتقا ۇشىراعان Boeing 737 بورتىنداعى 176 جولاۋشىنىڭ ءبارى كوز جۇمعان. رەسمي مالىمەتتەر بويىنشا، بورتتا 82 يراندىق، 63 كانادالىق، 10 شۆەد، 4 اۋعان، 3 بريتاندىق جانە گەرمانيانىڭ 3 ازاماتى بولعان. ۇشاق «ۋكراينا حالىقارالىق اۋە جولدارى» اۋەكومپانياسىنا تيەسىلى.

اقش تەھرانداعى حالىقارالىق اۋەجاي ماڭىندا ورىن العان ۋكراينالىق ۇشاق اپاتىنا يراننىڭ قاتىسى بار دەپ ەسەپتەيدى. تەك قانا امەريكا ەمەس، كانادا جانە ۋكراينا لاينەرگە يران زىمىرانى ابايسىزدا تيگەن بولۋى مۇمكىن دەگەن بولجام جاسادى. ءدال سول كۇنى بىرنەشە ساعات بۇرىن يران اقش-تىڭ يراكتاعى اسكەري بازالارىن زىمىرانمەن اتقىلاعان.

"The Qazaq Times"