Garfield پاركىندەگى قارۋلى شابۋلدان 6 ادام قازا تاپتى فوتو: chicago.suntimes.com

سەنبى جانە جەكسەنبى كۇندەرى چيكاگو قالاسىنىڭ ءتۇرلى ايماقتارىندا بولعان قارۋلى قاقتىعىستاردان 6 ادام قازا بولىپ، كەم دەگەندە 17 كىسى جارالاندى. بۇل تۋرالى «Fox News» ارناسىنىڭ دەرەك كوزىنە سۇيەنىپ "فارس" ءباسپاسوزى حابارلادى. پوليتسيانىڭ دەرەككوزدەرى جەكسەنبى كۇنى چيكاگونىڭ باتىس ايماعىندا ورنالاسقان Garfield پاركىندە كولىكتە وتىرعان بەيتانىس ادامدار كوشەدەن 6 ادامدى وققا ۇشىرىپ، قاشىپ كەتكەنىن حابارلادى.

پوليتسيانىڭ مالىمەتى بويىنشا، وسى وقيعا بارىسىندا ەكى ادام قازا بولىپ، ءتورت كىسى جارالاندى.

سونداي-اق جۇما كۇنى كەشكە جانە سەنبى كۇنى اتىس وقيعالارى ورىن الدى. قۇربان بولعاندار مەن جارالانعانداردىڭ بارلىعى 19- 34 جاس ارالىعىنداعى جاستار. "ABC" تەلەارناسىنىڭ مالىمدەۋى بويىنشا، جاڭا جىل باستالعاننان بەرى چيكاگودا 700- دەن استام ادام وققا ۇشقان.

قارۋلى قاقتىعىستار چيكاگو قالاسىنداعى ۇلكەن الەۋمەتتىك تۇيتكىل سانالادى. قالانىڭ كەدەيلەر تۇراتىن كەيبىر ايماقتارىندا قىلمىسكەر توپتاردىڭ بولۋى سالدارىنان قارۋلى قاقتىعىستاردىڭ سانى امەريكانىڭ وزگە قالالارىنان الدەقايدا كوپ ورىن الادى.

“The Qazaq Times”