كورنەكى سۋرەت. قولدان بەتپەردە تىگۋ. فوتو: اشىق دەرەككوز

الەم جۇرتىن دۇرلىكتىرگەن كوروناۆيرۋس دەرتى پاندەمياعا اينالعالى كوپشىلىكتەن مازا قاشتى. ءدارىحانالاردا مەديتسينالىق بەتپەردە تابۋ قيىنداي ءتۇستى. اراگىدىك تابىلا قويسا تابىس كوزىنە اينالدىرعاندار باعاسىن شارىقتاتىپ جىبەرگەن. ادەتتە 15-30 تەڭگە ارالىعىندا تۇراتىن بىررەتتىك بەتپەردەنىڭ ءوزى ونلاين دۇكەندەردە 120-140 تەڭگە كولەمىندە ساتىلىپ جاتىر.

دەسەك تە اۋرۋدان تۇگەل قورعاماسا دا، ۆيرۋستى ءسۇزىپ، ءارتۇرلى ينفەكتسيادان مينيمالدى دەڭگەيدە قالقان بولاتىن بەتپەردەنى ماماندار ءۇي جاعدايىندا دا دايىنداۋعا بولاتىنىن ايتادى. مەديتسينالىق بەتپەردەنىڭ تاپشىلىعى تۋعان شاقتا ءارتۇرلى بالامالى امالدار قولدانىلاتىنى بەلگىلى. ينتەرنەت سايتتارى مەن YouTube ۆيدەوحوستينگىندە ۇيدە بەتپەردە جاساۋدىڭ سان الۋان ءادىسىن تابۋعا بولادى.

وتاندىق مامانداردىڭ ءبىرى مەديتسينالىق-بيوتەحنولوگيالىق اپپاراتتار جانە جۇيەلەر ءبولىمىنىڭ ينجەنەرى سەرىك مۇراتحان ءۇي جاعدايىندا ماتەريالى ماقتادان جاسالعان ماتا ارقىلى بىرنەشە مارتە قولدانۋعا جارايتىن بەتپەردە جاساۋدىڭ «رەتسەپتىسىمەن» ءبولىستى.

  1. دۇكەننەن جۇمساق، ماقتادان جاسالعان ماتا ساتىپ الامىز. ماتا بوياۋى شىقپايتىن تابيعي (ناتۋرال) بولۋى كەرەك;
  2. ۇيگە اكەلىپ تومەندەگى ماسكانىڭ ۇلگىسى نەگىزىندە پىشەمىز;
  3. پىشىلگەن ماتەريالدى ءۇش قابات ەتىپ تىگەمىز. باۋ تاعامىز;
  4. ءار ادامعا جۇمىس ۋاقىتىنا جەتەتىندەي ەسەپتەيمىز. (8 ساعات + 2 ساعات / جولعا كەتەتىن ۋاقىت) ەكى ساعات سايىن اۋىستىرۋ ءۇشىن ءبىر ادامعا كۇنىنە بەس بەتپەردە قاجەت بولادى;
  5. تىگىلگەن بەس بەتپەردەنى سومكەگە سالىپ الامىز;
  6. ءار ەكى ساعاتتا اۋىستىرىپ،قولدانىلعان بەتپەردەنى بولەك پاكەتكە سالىپ وتىرامىز. بەتپەردەنى اۋىستىرعان سوڭ قولدى ديزەنفەكتسيالاۋ شارت;
  7. ۇيگە كەلگەننەن كەيىن بەتپەردەنى كىرجۋعىش ماشينادا نەمەسە قولمەن جۋىپ، كەپتىرىپ، قايتادان 2-3 مينۋت ەكى جاعىنان ۇتىكتەپ تازا قالپىندا قولدانامىز.

ماماننىڭ سوزىنشە، قولدان جاسالعان بەتپەردە كاسىپكەرلەر ۇنەمدەپ جاساعان بىررەتتىك بەتپەردەسىنەن الدەقايدا ساپالى بولادى.

كورنەكى سۋرەت. فوتو: اشىق دەرەككوز

"The Qazaq Times"