3 ناۋرىزدا حالىقارالىق «ءادىل ءسوز» ءسوز بوستاندىعىن قورعاۋ قورى پرەزيدەنت توقاەۆقا اشىق حات جازىپ، «جالا جاپقانى ءۇشىن جاۋاپكەرشىلىك ماسەلەسى بويىنشا قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە وزگەرىستەر ەنگىزۋ تۋرالى» زاڭ جوباسىنا بايلانىستى قاۋپىن ءبىلدىردى.
ازاتتىق بۇل جوبادا قىلمىستىق كودەكستەگى «جالا جابۋ» بابىن اكىمشىلىك كودەكسكە اۋىستىرۋ جونىندە ءسوز بولعان دەيدى.
«ءادىل ءسوز» قورى پرەزيدەنتكە جازعان اشىق حاتىندا جاڭا زاڭ جوباسىندا «ءسوز بوستاندىعىنا بەرىلگەن كونستيتۋتسيالىق كەپىلدىكتەرگە نۇقسان كەلتىرەتىن قازىرگىدەن دە قاتاڭ شارالار بار ەكەنىن» ايتقان. بۇل پىكىرگە قاراعاندا «ايىپپۇل قاتتى كوبەيگەن، الايدا زارداپ شەگۋشىگە مورالدىق وتەماقى مۇلدە قاراستىرىلماعان».
جوباداعى «جالا جابۋ» بابى بويىنشا مۇنان بىلاي جەكە تۇلعالارعا 200 اەك (530 200 تەڭگە) كولەمىندە ايىپپۇل سالۋ نەمەسە 25 تاۋلىككە قاماۋ، ال لاۋازىمدى تۇلعالار 700 اەك (1,8 ميلليون تەڭگە) تولەۋ نە بولماسا 30 تاۋلىككە قاماۋ قاراستىرىلعان.
2019 جىلدىڭ قىركۇيەگىندە ۇلتتىق قوعامدىق سەنىم كەڭەسى جالا جابۋدى قىلمىستىق كودەكستەن اكىمشىلىك كودەكسكە اۋىستىرۋدى ۇسىنعان. بىلتىر جەلتوقسانداعى ۇلتتىق كەڭەستىڭ سوڭعى وتىرىسىندا توقاەۆ «جالا جابۋ» جانە «ارازدىق تۋعىزۋ» تۋرالى قىلمىستىق كودەكس باپتارىن ىزگىلەندىرۋ جايلى جوسپارىن جاريالاعان.
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى