بىلتىر الماتى وبلىسىندا وربۇلاق شايقاسىنىڭ تاريحي رەكونسترۋكتسياسى ساحنالاندى. بۇل شارانى ورىنداۋشى "الماتى وبلىسى بويىنشا "رۋحاني جاڭعىرۋ" جوبالىق كەڭسەسى" جاۋاپكەرشىلىگى شەكتەۋلى سەرىكتەستىگى. تاپسىرىس بەرۋشى "الماتى وبلىسىنىڭ ىشكى ساياسات باسقارماسى" مەملەكەتتىك مەكەمەسى. شارا بيۋدجەتتىك قاراجاتتار ەسەبىنەن قارجىلاندىرىلعان. مەملەكەتتىك ساتىپ الۋ پورتالىندا ءىس-شارانى وتكىزۋ بويىنشا قىزمەتتەردىڭ كورسەتىلگەن سوماسى 98 813 978 تەڭگە. شارت 2019-08-22 كۇنى جاسالعان. ال 2019-08-28 باستاپ ""الماتى وبلىسى بويىنشا "رۋحاني جاڭعىرۋ" جوبالىق كەڭسەسى"" جاۋاپكەرشىلىگى شەكتەۋلى سەرىكتەستىگى وربۇلاق شايقاسىنىڭ تاريحي رەكونسترۋكتسياسىنا قاتىستى جۇمىستار، تاۋارلار مەن قىزمەتتەردى ۇسىنۋ بويىنشا لوتتاردى جاريالاي باستايدى.
لوتتارعا كىرىسپەس بۇرىن جالپى شارانىڭ ماقساتىن تۇسىنۋگە تىرىسايىق. "جالپى التى ءجۇز باتىر 50 مىڭ جوڭعارعا تويتارىس بەرگەن وربۇلاق شايقاسى" 2015 جىلى دا ساحنالانعان بولاتىن. ال 2019 جىلى شارانى قايتا وتكىزۋگە نە تۇرتكى بولدى دەگەن سۇراقتىڭ جاۋابىن شارانىڭ تەحنيكالىق سپەتسيفيكاتسياسىنان ىزدەۋگە تىرىستىق.
سونىمەن "فەستيۆالدىڭ ماقساتى – ۇلتتىق مادەنيەتتى ساقتاۋ، پرەزيدەنت ن. ءا. نازارباەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىن جۇزەگە اسىرۋ، ۇلتتىق بىرەگەيلىكتى ساقتاۋ، باسەكەگە قابىلەتتىلىك. وربۇلاق شايقاسى رەكونسترۋكتسياسىن جانە بىرقاتار ەتنوويىنداردى جۇرگىزۋ. ۇلتتىق مادەني داستۇرلەر مەن رۋحاني – ادامگەرشىلىك قۇندىلىقتاردى ىلگەرىلەتۋ ءۇشىن Instagram الەۋمەتتىك جەلىسىندە جانە YouTube الەمدىك بەينە-حوستينگىندە قىسقا روليكتەردى ءتۇسىرۋ.
فەستيۆالدىڭ ءمانى – پرەزيدەنت ن. ءا. نازارباەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىن جۇزەگە اسىرۋ، ۇلتتىق مادەنيەتتى ساقتاۋ جانە الماتى وبلىسىندا وقيعالى ءتۋريزمدى دامىتۋ باعىتى رەتىندە كوپسالالى (كوپجوسپارلى، كوپجاقتى) فەستيۆال بولىپ تابىلادى". (دەرەككوز: https://goszakup.gov.kz/ru/egzcontract/cpublic/units/8419990 سايتىندا جاريالانعان تەحنيكالىق سپەتسيفيكاتسيا)
تەحنيكالىق سپەتسيفيكاتسيادا كورسەتىلگەن ماقساتتىڭ ورىندالعان نە ورىندالماعانىن تەكسەرۋ مۇمكىن ەمەس. بۇل شارادان ۇلتتىق مادەنيەت ساقتالىپ قالدى ما، شاراعا قاتىسقان ادامدار رۋحاني جاڭعىردى ما، ۇلتتىق داستۇرلەر مەن ادامگەرشىلىك قۇندىلىقتار ىلگەرىلەدى مە ناقتى ايتۋ مۇمكىن ەمەس. سوندىقتان ""الماتى وبلىسى بويىنشا "رۋحاني جاڭعىرۋ" جوبالىق كەڭسەسى"" جاۋاپكەرشىلىگى شەكتەۋلى سەرىكتەستىگى جاريالاعان لوتتارعا توقتالايىق.
قىزىقتى لوتتاردىڭ اراسىندا XVII عاسىردىڭ ورتا شەنىندەگى قازاق الدە جوڭعارلاردىڭ شاش ۇلگىسىن قوياتىن شاشتارازدىڭ ءبىر كۇندىك قىزمەتى - 270 مىڭ تەڭگە. مالدى 12 ملن تەڭگەگە جالعا الۋ. جالعا العان مالعا جەم-ءشوپ الۋ سياقتى لوتتار بار. وسى فەستيۆال اياسىندا وتكىزىلگەن تاعى ءبىر شارا باۋىرساق پاتي دەپ اتالادى. بۇل كۇنى اتشابار اۋماعىندا 2 توننا باۋىرساق ءپىسىرىلىپ، قازاقستاننىڭ رەكتوردتار كىتابىنا ەندى دەپ حابارلانىپتى 24.kz تەلەارناسىنىڭ سايتىندا. بۇل باۋىرساق پاتيگە 1 200 000 تەڭگە جۇمسالعان (باۋىرساقتىڭ 6 تۇرىنەن 2 مىڭ توننا دايىندالىپتى). باۋىرساق ءپاتيدى وتكىزۋ ءۇشىن ىدىس-اياقتاردى جالعا الۋ 130 مىڭ تەڭگەگە شىعىپتى. باۋىرساق پاتي شاراسىن ورىنداۋشى جك تايباگاروۆ ماۋلەن تۋلەگەنوۆيچ (شارت № 190140019962/190051/00). جالپى وسى جەكە كاسىپكەر تايباعاروۆ 1 جىل ىشىندە الماتى وبلىسىنىڭ رۋحاني جاڭعىرۋ كەڭسەسى مەن الماتى وبلىسى ىشكى ساياسات بولىمىنە 3 612 030 تەڭگەگە قىزمەتتەر ۇسىنعان. بۇل جەكە كاسىپكەردىڭ اينالىساتىن شارالارى دا نازار اۋدارارلىق. «وربۇلاق شايقاسىنىڭ تاريحي رەكونسترۋكتسياسى - 2019» ءىس-شاراسىنا كومەك كورسەتۋ ءۇشىن ءارتۇرلى جۇمىستى اتقاراتىن جۇمىسشىلار قىزمەتتەرىنە 690 000 تەڭگە العان. ءسان الەمىمەن دە بايلانىسى بار سياقتى. وسى فەستيۆالدە كاسىپكەر تايباگاروۆ ماۋلەن تۋلەگەنوۆيچ "ايا باپاني جوعارى ءسان كورسەتۋ كوللەكتسياسىن وتكىزۋ" بويىنشا 1 200 000 تەڭگەلىك لوتىن الىپتى (شارت نومەرى № 190140019962/190048/00). قىزىقتىسى كوللەكتسياسىن وتكىزۋ، مودەلدەردىڭ ساحناعا شىعۋىن باسقا كاسىپكەر، مودەلدەر ايا ءباپانيدىڭ قاتىسۋىن ۇيىمداستىراتىن باسقا كاسىپكەر. كۋتۋرە ايا ءباپانيدى جەتكىزگەن جك كيشون بۇل قىزمەتى ءۇشىن تاعى دا 1 200 000 تەڭگە العان. وسىناۋ دۇرىلدەگەن شارادا كارتوننان جاسالعان باتىرلار بەينەسىنە دەيىن بيۋدجەتكە سالماق تۇسىرەتىنىن اتاپ ءوتۋ كەرەك. ماسەلەن، كارتوننان جاسالعان حان ءمۇسىنى 929 مىڭ، جاۋىنگەر ءمۇسىنى 600 مىڭ تۇرادى.
بۇل ماتەريالدا حالىققا مۇنداي رۋحاني جاڭعىرۋ كەرەك پە جوق پا دەگەن سۇراقتى قويمايمىن. تەك وسى بولاشاققا باعدار جاساعاندا ونىڭ بيۋدجەتىنە دە نازار اۋدارتپاق ەدىك.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟