رەسەي حالقى جاپپاي ەرەۋىلگە شىقتى

26 ناۋرىزدا رەسەيدىڭ وننان استام قالالارىندا جەمقورلىققا قارسى جاپپاي ەرەۋىلدەر ورىن الدى. 

پوليتسيا بيلىكتەگىلەردىڭ  بۇيرىعىمەن ەرەۋىلگە شىققان بەيبىت تۇرعىنداردى جاپپاي قۋدالاپ، تۇرمەگە جاپتى. تەك ماسكەۋدىڭ وزىندە  500-دەن استام ادام ۇستالىپ، تەمىر تورعا توعىتىلدى دەپ حابارلايدى bbc.com. 

جەمقورلىققا قارسى ەرەۋىل رف-نىڭ كوپتەگەن ءىرى قالالارىندا بىرنەشە مىڭداعىن ادامداردىڭ قاتىسۋىمەن بولىپ ءوتتى. بيلىك وكىلدەرىنە جاپپاي قاۋىپسىزدىك شارالارىن جۇزەگە اسىرۋعا تۋرا كەلدى. سانكت-پەتەربۋرگ. وسى سەكىلدى سۋرەتتەردى كوتەرگەن حالىق  پرەمەر-مينيستر دميتري مەدۆەدەۆ  الەكسەي ناۆالنىيدىڭ ايىپتاۋلارىنا جاۋاپ قاتۋىن تالاپ ەتۋدە.

ماسكەۋدەگى پۋشكين الاڭىندا ەرەۋىلگە شىققانداردى بىردەن تاراتۋعا تىرىسىپ، قارسىلىق كورسەتكەندەردى قاماۋعا الدى.حالىقتىڭ باسىم بولىگى قولدارىنا رف-نىڭ مەملەكەتتىك تۋىن ۇستاپ شىقتى.

ۇستالعانداردىڭ  ۇستىنەن رف اكىمشىلىك قۇقىق بۇزۋشىلىق بويىنشا كودەكستىڭ 20.2  بابىنا سايكەس "جينالىستار، ميتينگىلەر، دەمونستراتسيالار، شەرۋلەر وتكiزۋ نەمەسە وتكىزۋ ءتارتىبىن بۇزۋ"  بويىنشا پروتوكولدار تولتىرىلادى. الەكسەي ناۆالنىي شەرۋدىڭ باستالۋى تۋرالى مالىمدەمە جاساماستان ءبىر ساعات بۇرىن، الاڭعا جينالۋشىلاردى سەبەپسىز ۇستاپ، كۇشپەن تاراتۋ جۇمىستارى جۇرگىزىلىپ كەتتى. ماسكەۋدە ۇستالعان 500-دەن استام ادامداردىڭ ىشىندە كامىلەت جاسىنا تولماعان جاسوسپىرىمدەر دە بولعان. 

قاماقتاعىلار پوليتسيانىڭ ارنايى كولىكتەرنىڭ ىشىنەن دە قارسىلىقتارىن ءبىلدىرىپ، ەرەۋىلدى جالعاستىرۋدى تالاپ ەتۋدە. 

بۇل پوستسوۆەتتىك رەسەيدىڭ تاريحىنداعى ەڭ كولەمدى ەرەۋىلدىڭ ءبىرى بولىپ، اكتسيانىڭ بارىسىندا ۇستالعانداردىڭ سانى رەكوردتىق كورسەتكىشكە جەتكەن. ۇستالعانداردىڭ ىشىندە جەمقورلىققا قارسى شەرۋدىڭ ۇيىمداستىرۋشىسى الەكسەي ناۆالنىي دا بولدى. 

"The Qazaq Times"