بەلارۋس رەسپۋبليكاسىنىڭ باسشىسى، «ەۋروپانىڭ سوڭعى ديكتاتورى» اتانعان الەكساندر لۋكاشەنكو التىنشى رەت پرەزيدەنت سايلاۋىنا قاتىساتىنىن مالىمدەدى.
مينسكىدە 2020 جىلى بولاتىن پرەزيدەنتتىك دوداعا قاتىسۋ تۋرالى سۇراقتارعا جاۋاپ بەرگەن لۋكاشەنكو: «مەن ساۋساقتارىم كوگەرگەنشە بۇل كرەسلونى ۇستاپ وتىرمايمىن. سۇراماساڭىزدار، مەن كانديداتۋرامدى ەشقاشان المايمىن. مەن ءوزىمدى ۇسىنامىن»، – دەدى ول.
سونىمەن قاتار، ول بەلورۋستارعا وسى لاۋازىمعا ءوز كانديداتۋراسىن ۇسىنۋ دۇرىس دەپ سانايتىنىن جانە تەك حالىق وعان قارسى شىعا الاتىنىن ايتتى. بەلارۋسيادا كەزەكتى پرەزيدەنتتىك سايلاۋ 2020 جىلعى جازدا وتكىزىلەدى.
الەكساندر لۋكاشەنكو بەلارۋستى 1994 جىلدان بەرى ۇزدىكسىز باسقارىپ كەلەدى. قازىرگى بەسىنشى پرەزيدەنتتىك مەرزىمى 2020 جىلى اياقتالادى. بۇعان دەيىنگى 2001, 2006, 2010 جانە 2015 جىلدارداعى پرەزيدەنت سايلاۋلارىنىڭ بارلىعىندا 75 پايىزدان جوعارى داۋىس العان. حالىق اراسىندا لۋكاشەنكونىڭ «ەۋروپانىڭ سوڭعى ديكتاتورى» دەگەن اتاعى بار. جالپى، تمد اۋماعىندا كەڭەستەر وداعى قۇلاعالى بەرى بيلىك باسىندا ۇزاق مەرزىمدە وتىرعان ەكى ادام بار بولاتىن. ونىڭ ءبىرى قازاقستاننىڭ بۇرىنعىپرەزيدەنتى نۇرسۇلتان نازارباەۆ بولسا، ەكىنشىسى الەكساندر لۋكاشەنكو.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى