اق ءۇيدىڭ ءباسپاسوز ءبولىمى تاراتقان اقپاراتقا سايكەس، ترامپ: "وڭتۇستىك سۋدانداعى جاعداي اقش-تىڭ ۇلتتىق قاۋىپسىزدىگى مەن سىرتقى ساياساتىنا ءالى كۇنگە دەيىن اسا قاۋىپتى بولىپ وتىر" - دەپ، مالىمدەمە جاساعان.

وسىعان وراي، "2014 جىلدىڭ 3 ساۋىرىنەن 2017 جىلدىڭ 3 ساۋىرىنە دەيىنگى ارالىقتا جاريالانعان سانكتسيانى" تاعى ءبىر جىلعا ۇزارتۋ قاجەت ەكەندىگىن جەتكىزدى.

اقش كونگرەسىندە تالقىلانعان ترامپتىڭ حاتىندا: "وڭتۇستىك سۋدانداعى جانە ونىڭ اينالاسىنداعى جاعداي ەلدىڭ قاۋىپسىزدىگى مەن بەيبىتشىلىگىنە نۇقسان كەلتىرەتىن ماسەلەلەرمەن تىكەلەي بايلانىستى". ال بۇل ماسەلەلەرگە:  "ادامداردى قيناۋ مەن قاساقانا ءولتىرۋ، ادام قۇقىقتارىنىڭ اياققا تاپتالۋى، بالالاردى اسكەر قاتارىنا الۋ، بەيبىت حالىق پەن گۋمانيتارلىق توپ وكىلدەرىنە شابۋىل جاساۋ، قايىرىمدىلىق شارالارىن  جۇزەگە اسىرۋعا كەدەرگى كەلتىرۋ" سەكىلدى كۇرمەۋى شەشىلمەگەن جاعدايلاردى اتاپ كورسەتكەن.