اۋعانستاننىڭ اسكەري ۇشقىش قىزى وتانىنا قايتپايتىنىن ايتتى

اۋعانستان اۋە قورعانىس كۇشتەرىنىڭ تانىمال ۇشقىش قىزى نيلوفار راحماني اقش-تان باسساۋعا سۇراپ، ەلىن ءدۇر سىلكىندىردى. نيلوفار اقش مەملەكەتتىك دەپارتامەنتىنىڭ «ەرجۇرەك ايەل» ماراپاتىن العان تالانتتى ۇشقىش.

«ازاتتىق» سايتى ورىس رەداكتسياسىنىڭ حابارلاۋىنشا،  26 جەلتوقسان كۇنى اۋعانستان ۇكىمەتى ۇشقىش قىزدىڭ ارەكەتىن ايىپتاپ، ونىڭ قىلىعى ء"وز وتانىن قورعاۋعا انت بەرگەندەر ءۇشىن ۇياتتى جايت" ەكەنىن ءارى ونىڭ وزىنە قاۋىپ ءتونۋى مۇمكىن دەگەن ءسوزىنىڭ جاي "سىلتاۋ" ەكەنىن ايتقان.

بۇل جونىندە، اۋعانستان قورعانىس مينيسترلىگىنىڭ رەسمي وكىلى موحامماد رادمانيش اۋعان بيلىگىنىڭ امەريكا تۋرالى ۇستانىمىن دا ءبىلدىردى. وندا اۋعانستان قاۋىپسىزدىگىن نىعايتۋ ءۇشىن ميللياردتاعان اقشا شىعىنداپ جاتقان اقش، باسساۋعا سۇراعان راحمانيدىڭ ءوتىنىشىن قابىلدامايتىنىنان ءۇمىتتى ەكەنى ايتىلعان.

«ەگەر، اسكەري قىزمەتكەر ءوز ومىرىنە قاۋىپ تونۋدەن قورىقسا، وندا بىلايعى حالىق قالاي كۇن كورەدى، –  دەيدى رادمانيش، – ول جال تاۋىپ وتىر، بىزدە ءبىلىمدى جانە قۇقىق قورعاۋشى ايلەدەر بار. ولار ونداي قاۋىپ تۋرالى ايتقان ەمەس».

راحماني اۋعانستاندا قاناتتى ۇشۋ اپپاراتىمەن ۇشقان تۇڭعىش ايەل رەتىندە تانىمال. ونىڭ پايدا بولۋىمەن بىرگە اۋعانستانداعى ايەل قۇقى مەن مۇمكىندىگى ارتادى دەگەن ءۇمىت تە زورايعان.

الايدا، اقش-تا ءبىر جىل دايىندىقتان وتكەن اۋعان قىزى وتكەن اپتادا New York Times (NYT) پەن Wall Street Journal-عا سۇحبات بەرىپ، ەلدى وسىلاي دۇرلىكتىردى. ول ءوز قاۋىپسىزدىگى ءۇشىن ەلىنە قايتۋعا قۇلىقتى ەمەس ەكەنىن ايتقان. كۇن ساناپ جاعدايى ۋشىعىپ بارا جاتقان وتانىندا جاقسى وزرەگىستەر ورىن المايدى دەگەن پىكىرىن بىلدىرگەن. وعان مىسال رەتىندە، وسى ايدىڭ باسىندا، اۋعانستاننىڭ وڭتۇستىگىندەگى اۋەجايدىڭ ايەل قىزمەتكەرىنىڭ ءولىمىن كەلتىردى.

«The Qazaq Times»