ەكس-پرەزيدەنت ن.نازارباەۆ پەن ءماجىلىس سپيكەرى ن.نىعماتۋللين. فوتو: تۇڭعىش پرەزيدەنت ءباسپاسوز قىزمەتى

بۇگىن، قىركۇيەكتىڭ 10-ى ەكس-پرەزيدەنت ن.نازارباەۆ  ماجىلىس توراعاسى نۇرلان نىعماتۋللينمەن  ماجىلىستەگى نۇر وتان پارتياسى فراكتسياسىنىڭ قىزمەتى مەن جۇمىس جوسپارى تۋرالى  كەزدەسۋ وتكىزدى.

قابىلداۋ بارىسىندا «قازىرگى تاڭدا ءماجىلىستىڭ قاراۋىندا 45 زاڭ جوباسى بار. بارلىق 3 فراكتسيا جۇمىسقا كىرىستى. ءبىزدىڭ فراكتسيانىڭ الدىنا ءسىزدىڭ تاپسىرمالارىڭىزدىڭ، سايلاۋالدى باعدارلامالارىڭىزدىڭ جانە «100 ناقتى قادام» ۇلت جوسپارىنىڭ جۇزەگە اسىرىلۋىنا ساپالى باقىلاۋدى جۇزەگە اسىرۋ بويىنشا مىندەتتەر قويىلدى»، – دەدى نىعماتۋلين. تۇڭعىش پرەزيدەنت ءباسپاسوز قىزمەتىنىڭ حابارلاۋىنشا، نازارباەۆ ەۋروپا مەن ازيا ەلدەرى پارلامەنتتەرى سپيكەرلەرىنىڭ كەڭەسىنە دايىندىق تۋرالى ءسوز ەتكەن. ءماجىلىس سپيكەرى ن.نىعمەتۋللين «23-24 قىركۇيەكتە سپيكەرلەر كەڭەسىنە الەمنىڭ 65 ەلىنەن كەلگەن دەلەگاتتار قاتىسادى. ەلىمىزدە وسىنداي جوعارى دەڭگەيدەگى پارلامەنتتىك ءىس-شارا سوڭعى 20 جىلدا العاش رەت وتكىزىلىپ وتىر. بيىل ەۋروپا مەن ازيا ەلدەرى پارلامەنتتەرى سپيكەرلەرىنىڭ كەڭەسى ەۋرازيالىق يدەيانىڭ 25 جىلدىعىنا ارنالعان»، – دەدى.

مەملەكەتتىك ساتىپ الۋ نەگىزىندە جۇزەگە اسىرىلاتىن اۋقىمدى جيىنداردىڭ سوڭعى جىلدارى جيىلەۋى پرەزيدەنت توقاەۆ راستاعان «كەدەيلەنگەن» قازاقستان حالىقىن اشىندىرىپ، ازاماتتىق قوعامنىڭ نارازىلىعى كۇشەيە تۇسكەن.

"The Qazaq Times"