فوتو: seznamstranek.info پاندا

قىتايدىڭ وڭتۇستىك-باتىسىنداعى سىچۋان ەلدىمەكەنىنىڭ باسشىلىعى پاندالارعا ارنالعان باقشا سالۋ ءۇشىن 172,2 مىڭ تۇرعىندى باسقا ايماققا كوشىرۋدى جوسپارلاپ وتىر دەپ حابارلايدى سينحۋا اگەنتتىگى، ايماقتىڭ ورمان شارۋاشىلىعى دەپارتامەنتىنە سىلتەمە جاساي وتىرىپ.

سىچۋان، گانسۋ جانە شەنسي ايماقتارىمەن شەكارالاساتىن 27,1 مىڭ شارشى شاقىرىم ايماقتى قامتيتىن اۋداندا جاڭا باقشانىڭ قۇرىلىس جۇمىستارى جۇرگىزىلمەك. بۇل تۋرالى شەشىم وسى جىلدىڭ باسىندا قابىلدانىپ، باسشىلىق پەن بەكىتىلىپ قويعان.

ال 20 مىڭ شارشى شاقىرىم، ياعني ايماقتىڭ 74 پايىزى سىچۋان ەلدىمەكەنىنە تيەسىلى.

جاڭا ايماقتىڭ قۇرىلىسىن باستاۋ ءۇشىن جەتى قالا مەن قالالىق وكرۋگتەر، سونىمەن قوسا 19 ۋەز تۇرعىندارىن تولىقتاي كوشىرۋ قاجەت بولىپ وتىر.

پاندا ايۋى قازىرگى تاڭدا سيرەك كەزدەسەتىن، جويىلىپ كەتۋى ۇلكەن قاۋىپى بار جانۋارلاردىڭ تىزىمىنە كىرەدى. حتقو قىزىل كىتابىنا ەنگىزىلگەن. ال قىتايلىق ماماندار 2025 جىلعا دەيىن پاندالاردىڭ سانىن 18 پايىزعا ارتتىرىپ، 2,2 مىڭعا دەيىن جەتكىزۋدى جوسپارلاپ وتىر.

“The Qazaq Times”