ناتو باس حاتشىسى يەنس ستولەنبەرگ اليانسقا ءتونىپ تۇرعان قاۋىپتەر جونىندە ايتتى.

ستولەنبەرگتىڭ سوزىنشە، ناتو-عا ءتونىپ تۇرعان باستى قاۋىپتەردىڭ ءبىرى دەرجاۆالار اراسىنداعى جاپپاي قارۋلانۋ جارىسى، تەرروريزم جانە كيبەرشابۋىل.

«ناتو-عا ءتونىپ تۇرعان قاۋىپتەردىڭ العاشقى قاتارىندا رەسەي مەن قىتايدىڭ اسكەري قۋاتىن ارتتىرۋى تۇر. رەسەيدىڭ قارۋ-جاراق قارقىنىن ارتتىرۋى قالىپتاسقان جاھاندىق ءتارتىپتى بۇزادى جانە الەمدىك كوشباسشىلىققا تارتىستى كۇشەيتەدى» - دەپ مالىمدەدى ناتو باسشىسى.

حالىقارالىق ساراپشىلار پىكىرىنشە، سوڭعى جىلدارى الەمدىك دەرجاۆالار اراسىندا جاپپاي قارۋلانۋ جارىسى جۇرۋدە جانە الەمدى قايتا بولىسكە سالۋ ناۋقانى باستالۋدا. وسىعان وراي اقش، رەسەي، قىتاي جانە باتىس ەلدەرىنىڭ قارىم-قاتىناسى جىل وتكەن سايىن ناشارلاۋدا.

ەستەرىڭىزگە سالايىق، تامىز ايىنىڭ 2-ءى كۇنى اقش پەن رەسەي اراسىنداعى «الىس جانە قىسقا قاشىقتىقتاعى زىمىران» كەلىسىمى كۇشىن جويعان. بۇل دا دەرجاۆالار قارىم-قاتىناسىنىڭ تىعىرىققا تىرەلگەنىنىڭ ءبىر كورىنىسى.

"The Qazaq Times"