فوتو: http://novoetv.kz

قازاقستاندا اليمەنتتى تولەۋگە ارنالعان جاڭا قور قۇرىلماق. بۇل تۋرالى ادىلەت ءمينيسترى مارات بەكەتاەۆ حابارلادى.

ەل ازاماتتارى اتالعان قوردان بەلگىلى ءبىر سومادا قارىزعا اقشا الىپ، الەۋمەتتىك مىندەتتەمەلەردى ورىنداي الادى. م.بەكەتاەۆ سوزىندە: «بۇل قور شەتەل تاجىريبەسى نەگىزىندە قۇرىلادى. ماسەلەن، فينليانديادا ارنايى قور اليمەنت تولەيتىن ازاماتتارعا كومەكتەسەدى. ولاردىڭ اقشاسى بولماي قالعاندا، يا بولماسا جۇمىسسىز وتىرعاندا، قوردان اقشا الىپ، اليمەنت تولەي الادى. كەيىن جاعدايى تۇزەلگەندە العان اقشاسىن قايتارادى. قوردىڭ اقشاسى تەك اليمەنت تولەۋگە بەرىلەدى. باسقا ماقساتقا الۋعا بولمايدى»، – دەدى.

قازىرگى ۋاقىتتا ادىلەت مينيسترلىگى تاراپى ءماجىلىس دەپۋتاتتارىمەن بىرگە سوت ورىنداۋشىلارى تۋرالى زاڭعا وزگەرىس ەنگىزۋدى ۇسىنعان. پيلوتتىق جوبا ىسكە اسىرىلعاننان كەيىن، جوبا پارلامەنتتە تالقىلانۋى ءتيىس.

"The Qazaq Times"