Фото: http://novoetv.kz

Қазақстанда алиментті төлеуге арналған жаңа қор құрылмақ. Бұл туралы Әділет министрі Марат Бекетаев хабарлады.

Ел азаматтары аталған қордан белгілі бір сомада қарызға ақша алып, әлеуметтік міндеттемелерді орындай алады. М.Бекетаев сөзінде: «Бұл қор шетел тәжірибесі негізінде құрылады. Мәселен, Финляндияда арнайы қор алимент төлейтін азаматтарға көмектеседі. Олардың ақшасы болмай қалғанда, я болмаса жұмыссыз отырғанда, қордан ақша алып, алимент төлей алады. Кейін жағдайы түзелгенде алған ақшасын қайтарады. Қордың ақшасы тек алимент төлеуге беріледі. Басқа мақсатқа алуға болмайды», – деді.

Қазіргі уақытта Әділет министрлігі тарапы мәжіліс депутаттарымен бірге сот орындаушылары туралы заңға өзгеріс енгізуді ұсынған. Пилоттық жоба іске асырылғаннан кейін, жоба Парламентте талқылануы тиіс.

"The Qazaq Times"