مارعۇلان سەيسەمباەۆ: سايلاۋدى بايكوتتاۋ ارقىلى سىزدەر ەشتەڭە دالەلدەي المايسىزدار

تانىمال بيزنەسمەن، ازاماتتىق بەلسەندى مارعۇلان سەيسەمباەۆ الدا كەلە جاتقان كەزەكتەن تىس پرەزيدەنت سايلاۋىنا ءوزىنىڭ «Instagram» پاراقشاسىندا تالداۋ جاسادى.

كوپتەگەن ادامداردىڭ سۇراقتارىنا جاۋاپ بەرۋ ءۇشىن جانە كوپتەگەن بوس ءسوز بەن وتىرىكتەن تازالاۋ ءۇشىن مەن مىنا سايلاۋ ناۋقانى جونىندە كىشىگىرىم تالداۋ جاسادىم.
سونىمەن، بىزدە ءتورت جول بار:

1. داۋىستى توقاەۆقا بەرۋ.
وندا سىزدەر بارلىعى قالىپتاسقان كۇيدە قالا بەرگەندى تاڭدايسىڭدار. ويتكەنى توقاەۆ ءوزىن ەلباسىنىڭ ساياساتىن جالعاستىرۋشى رەتىندە كورەدى. توقاەۆ پەن قوسانوۆتان باسقا ۇمىتكەرلەر ءجاي قىدىرىپ جۇرگەن جاندار، سوندىقتان ولاردى مۇلدەم قاراستىرمايمىن.
2. داۋىستى قوسانوۆقا بەرۋ.
ول كىسى تۋرالى بيلىك پەن راديكالدى وپپوزيتسيا ءارتۇرلى ءسوز ايتۋدا. بىرەۋلەر ونى اقوردانىكى دەيدى، بىرەۋلەر وپپوزيتسيا دەيدى. ءسىزدىڭ بۇل جونىندە ءبىلۋ كەرەك نارسەڭىز، ول قوسانوۆتىڭ تۇلعاسى ەمەس، ول سىزدەردىڭ قالىپتاسقان جاعدايعا قارسى ەكەنىڭىزدى ءبىلدىرۋدىڭ زاڭدى جانە وركەنيەتتى جولى ەكەندىگى. سىزدەردىڭ ەلىمىزدەگى وزگەرىسكە دەگەن تالابىڭىزدى ءبىلدىرۋ جولى. يا، بيلىك سىزدەردىڭ داۋىستارىڭىزدى "ۇرلاۋى" مۇمكىن. بىراق، ەگەر كوپ ادام قوسانوۆقا داۋىس بەرسە، exit pool ارقىلى قانشا داۋىس ۇرلانعانىن كورۋگە بولادى. جانە بيلىك ولارعا قانشاما ادام قارسى ەكەنىن كورىپ وزگەرىستەرگە جول اشۋى مۇمكىن. بىراق، ەستەرىڭىزدە بولسىن، بۇل تەك قانا مۇمكىندىك! مەنىڭ بولجاۋىم بويىنشا بۇل جولدىڭ وزگەرىستەرگە اپارۋ مۇمكىندىگى 33%. بۇل جول مەنىڭ ويىمشا 67% ەشقانداي وزگەرىسكە اكەلمەيدى.
3. بايكوتتاۋ.
بۇل ءۇشىنشى جول. ەگەر ءسىز سايلاۋعا قاتىسپاساڭىز، وندا توقاەۆ 100% جەڭەدى. ول باسىم داۋىسپەن جەڭگەن سوڭ، ءوزىنىڭ جەڭىسىن "بۇل xالىقتىڭ شىن تاڭداۋى" دەپ ەسەپتەيدى دە، بيلىككە قارسى شىعىپ جۇرگەن ادامداردى ءجاي كىشكەنتاي عانا ءابليازوۆتىڭ توپتارى دەپ قۋدالايدى. قانشا xالىقتىڭ وزگەرىسكە دەگەن تالاپتارى بار ەكەنىنە كوزى جەتپەيدى. قايتا بيلiك سايلاۋ ۇدەرiسiنە ارالاسىپ داۋىس ۇرلامايدى. ونى كورگەن حالىقارالىق باقىلاۋشىلار سايلاۋ ءادiل تۇردە ءوتتi دەپ ايتادى. بايكوتتاۋ ارقىلى سىزدەر ەشتەڭە دالەلدەي المايسىزدار. ەۋروپا قانشا باقىرسا دا ءبىزدىڭ بيلىك وعان پىسقىرمايدى دا. بارلىعى بۇرىڭعى قالپىندا جۇرە بەرەدى. بايكوتتاۋ تەك قانا xالىقتىڭ باسىم بولىگى جاساعاندا عانا ءتيىمدى. ال xالىق ونداي اۋىزبىرشىلىك كورسەتپەسە، وندا ونىڭ وزگەرىستەرگە اكەلۋ مۇمكىندىگى 10-20% اسپايدى.

بۇنى اۋرۋدىڭ دەنەسىنە جاسالاتىن كۇردەلى وپەراتسيامەن سالىستىرۋعا بولادى. ارتى نە بولاتىنىن ەشكىم بىلمەيدى. اۋرۋ مۇلدەم جازىلىپ ادام جاڭارىپ، جاسارىپ كەتۋى دە مۇمكىن، بىراق اۋرۋى جازىلماي ءولىپ تە كەتۋى مۇمكىن. ارينە، شەت ەلدە جۇرگەن كەيبiر قانداستارىمىزعا بۇل ەڭ قولايلى جول، ويتكەنى ولارعا بۇل ەلگە ورالۋدىڭ جالعىز جولى. تاريxتا بارلىق رەۆوليۋتسيالار جاقسىلىققا اكەلگەن جوق. كوپتەگەن رەۆوليۋتسيالار وزدەرىنىڭ باسىندا قويعان ماقساتتارىنا جەتكەن جوق. بىزگە بۇل جول قانشالىقتى كەرەك ەكەنىن وزدەرىڭىز ويلانىڭىزدار.
كورiپ وتىرسىز عوي، الدىمىزدا قيىن تاڭداۋلار تۇر. مۇمكiندiگiمiز كوپ تە ەمەس. بiراق ءبارiبiر بiزدiڭ تاڭداۋىمىز بار. ەستەرiڭiزدە بولسىن، ەگەر سiز سانالى تۇردە ءوزiڭiز تاڭداۋ جاساماساڭىز، وندا سiز ءۇشiن باسقا بiرەۋ تاڭداۋ جاسايدى. كەيiن رەنجiمەڭiز.

سايلاۋدان كەيiن ءبiزدىڭ قانشا تاڭداۋىمىز بولاتىنىن سiز قازiرگi تاڭداۋىڭىزبەن شەشەسiز. مەن ەشبiر جولعا ۇگiتتەپ جاتقان جوقپىن. بۇل ءجاي تالداۋ.

"The Qazaq Times"