اقش تۇركياعا بەرىلگەن ساۋدا جەڭىلدىكتەرىن الىپ تاستادى.

مامىر ايىنىڭ 16-ى كۇنى اقش پرەزيدەنتى دونالد ترامپ تۇركياعا بەرىلگەن ساۋدا جەڭىلدىكتەرىن الىپ تاستاۋعا بايلانىستى قۇجاتقا قول قويدى. وسىلايشا اق ءۇي انكاراعا 1975 جىلى بەرىلگەن ساۋدا جەڭىلدىكتەرىن الىپ تاستادى.

«مەن 2019 جىلدىڭ 17-ءشى مامىرىنان باستاپ تۇركيانى دامۋشى ەلدەر قاتارىنان الىپ تاستاۋدى ۇيعاردىم. سەبەبى ونىڭ ەكونوميكالىق دامۋى بۇعان سايكەس كەلمەيدى» - دەپ مالىمدەدى ترامپ.

نەگىزىندە تۇركياعا بەرىلگەن ساۋدا جەڭىلدىكتەرىن الىپ تاستاۋعا بايلانىستى ماسەلە اق ۇيدە 2018 جىلدىڭ تامىز ايىندا قارالا باستاعان. ءدال وسى ۋاقىتتا ەكى ەل قارىم-قاتىناسى ۋشىققان. كەيىننەن تاراپتار كەلىسىمگە كەلىپ، ۋاشينگتون انكارا تاۋارلارىنا سالىنعان سالىق كولەمىن ازايتقان. بىراق بۇل كەلىسىم ۇزاققا سوزىلمادى. ەكى ەل قارىم-قاتىناسى مامىر ايىنىڭ باسىندا قايتا ۋشىقتى. وعان تۇركيانىڭ رەسەيدەن س-400 زىمىران جۇيەسىن ساتىپ الۋى سەبەپ بولدى.

"The Qazaq Times"