رەسەي پرەزيدەنتى ۆلاديمير پۋتين.

رەسەي باسشىسى ۆلاديمير پۋتين اقش پرەزيدەنتى دونالد ترامپپەن كەزدەسۋگە دايىن.

«مەنىڭ تۇسىنۋىمشە، دونالد ترامپپەن كەزدەسۋىمىز جاپونيادا وتەتىن «ۇلكەن جيىرمالىق» ءسامميتى اياسىندا بولادى. ەگەر اقش تاراپى ەكىجاقتىق بايلانىستى وسىنداي فورماتتا جالعاستىرۋعا مۇددەلى بولسا، ءبىز كەز كەلگەن جەردە كەزدەسۋگە دايىنبىز» - دەپ مالىمدەدى پۋتين مامىر ايىنىڭ 15-ءى كۇنى اۆستريا پرەزيدەنتىمەن وتكەن كەلىسسوزدەردەن كەيىنگى ءباسپاسوز ءماسليحاتىندا.

بۇدان بولەك پۋتين كەلىسسوزدەر جۇرگىزۋگە رەسەي ەمەس اقش-تىڭ ءالى دە بولسا دايىن ەمەس ەكەندىگىن ايتتى.

«ءبىز قاشان دا اشىقپىز. ماسەلە بىزدە ەمەس، ءبىزدىڭ امەريكالىق ارىپتەستەرىمىزدە. اقش-تىڭ ىشكى ساياسي جاعدايى وزگەرگەن ۋاقىتتا ءبىز قولىمىزداعى بارلىق مۇمكىندىكتەردى جۇمسايمىز» - دەدى رەسەي پرەزيدەنتى.

ەستەرىڭىزگە سالايىق، بۇعان دەيىن ۆلداديمير پۋتين اقش مەملەكەتتىك حاتشىسى مايكل پومپەومەن كەزدەسكەن. كەزدەسۋدەن كەيىن رەسەي پرەزيدەنتىنىڭ كومەكشىسى «كەزدەسۋ ەشقانداي جاڭالىق الىپ كەلگەن جوق» دەپ مالىمدەگەن.

"The Qazaq Times"