قازاقستانداعى ازاماتتاردىڭ جيناق اقشاسىنىڭ كولەمى ازايىپ، كەرىسىنشە بولشەك نەسيەنىڭ ۇلەسى ءوسىپ كەلەدى. بۇل تۋرالى الماتىدا وتكەن ءباسپاسوز كونفەرەنتسياسىندا "قازاقستان حالىق بانكى" اق باسقارما ءتورايىمى ءۇمىت شاياحمەتوۆا ايتتى.

"جالپى 2019 جىلدىڭ ءبىرىنشى توقسانىندا بانكتىك سەكتور اكتيۆتەرى تومەندەدى. سونداي-اق، دەپوزيتتەر مەن نەسيە الۋ كورسەتكىشى دە ازايدى. الايدا، بولشەك نەسيە الۋدىڭ كورسەتكىشى ءوسىپ كەلەدى. بۇگىنگى كۇنى مۇنداي نەسيەنىڭ ۇلەسى 27% قۇرايدى. ادامدار نەسيەنى كوپ جاعدايدا جوندەۋ جۇمىستارىنا، ەڭبەك دەمالىسىنا جانە تويعا الادى. ورتاشا ەسەپپەن العاندا، ءبىر كيلەنت 800-900 مىڭ تەڭگە قارىز", - دەدى ءۇمىت شاياحمەتوۆا.

سونداي-اق، Halyk توبىنىڭ تازا كىرىسى 2019 جىلعى 1 توقساندا 74,5 ملرد تەڭگەنى قۇراعان. بۇل 2018 جىلعى وسى كەزەڭنىڭ ناتيجەسىنەن (62,1 ملرد تەڭگەگە) 20,1%-عا جوعارى. بۇل وسىمگە وپەراتسيالىق شىعىستاردىڭ تومەندەۋى مەن تازا پايىزدىق كىرىستىڭ جوعارى دەڭگەيى نەگىزگى سەبەپ بولعان.

"Qazkom-مەن بىرىگۋدىڭ سينەرگياسى ءوز ناتيجەلەرىن 2019 جىلدىڭ 1-توقسانىندا-اق كورسەتتى. فيليالدار جەلىسىن وڭتايلاندىرۋ ەسەبىنەن وپەراتسيالىق شىعىستاردى ەداۋىر قىسقارتا الدىق، سسۋدالىق پورتفەلدىڭ ساپاسىن ارتتىرۋعا باعىتتالعان بەلسەندى جۇمىستار پروۆيزيالاردى قۇرۋعا كەتەتىن شىعىنداردى تۇراقتاندىرۋعا مۇمكىندىك بەردى. 2018 جىلعى تابىستى جۇمىستىڭ ناتيجەلەرى بويىنشا ديۆيدەنتتەردىڭ تەڭدەسسىز مولشەرىن تولەگەننەن كەيىن دە بانكتى كاپيتالداندىرۋ سلاسىندا ەڭ جوعارى بولىپ تۇر - 20% دارەجەسىندە", - دەدى ول.

"The Qazaq Times"