فوتو: ەكونوميكا سەگودنيا

اقش مەملەكەتتىك حاتشىسى مايكل پومپەو ەۋرووداق ەلدەرىمەن يران ماسەلەسىنە بايلانىستى كەلىسىمگە كەلە المادى.

مايكل پومپەو مامىر ايىنىڭ 13-ءى كۇنى بريۋسسەل قالاسىندا گەرمانيا، فرانتسيا، ۇلىبريتانيا ەلدەرىنىڭ سىرتقى ىستەر مينيسترلەرىمەن كەزدەسىپ، تاياۋ شىعىس جانە يران ماسەلەسىن تالقىلادى. باس قوسۋدان كەيىن باق وكىلدەرىنىڭ سۇراقتارىنا جاۋاپ بەرگەن فرگ ءسىم حايكو ماس: «ءبىز اقش پەن يران اراسىندا اسكەري ەسكالاتسيا  بولعانىن قالامايمىز» - دەدى.

ال فرانتسيا ءسىم جان-يۆ لە دريان ۋاشينگتوننىڭ يرانعا سالىپ جاتقان سانكتسيالارىن قاتاڭ سىنعا الىپ، اقش-تىڭ ۇستانعان جولى قاتە ەكەندىگىن مالىمدەدى.

بۇدان بولەك مايكل پومپەو ەۋرووداقتىڭ سىرتقى ىستەر جونىندەگى رەسمي وكىلى فەدەريكا موگەرينيمەن ۆەنەسۋەلا ماسەلەسىن تالقىلاعان. وندا موگەريني اتالمىش ماسەلەنى دەموكراتيالىق جولمەن شەشۋدى ۇسىنعان. كەلىسىم بويىنشا، جاقىن كۇندەرى بريۋسسەلدەن كاراكاسقا ارنايى جۇمىس توبى اتتانادى. ولار مۇددەلى تاراپتارمەن كەزدەسىپ، ماسەلەنى بەيبىت جولمەن شەشۋدى تالقىلايتىن بولادى.

"The Qazaq Times"