سولتۇستىك كورەيا باسشىسى كيم جوڭ ۋن مەن رەسەي پرەزيدەنتى ۆلاديمير ءپۋتيننىڭ قاشان كەزدەسەتىنى بەلگىلى بولدى.

كوممەرسانت باسىلىمىنىڭ مالىمەتىنشە، پۋتين مەن كيم جوڭ ۋن ءساۋىر ايىنىڭ 25-ءى كۇنى قيىرشىعىس فەدەرالدى ۋنيۆەرسيتەتىندە كەزدەسەدى. رەسەيگە باراتىن سولتۇستىك كورەيا دەلەگاتسياسى 230 ادامنان تۇرادى.

كەزدەسۋدەن كەيىن رەسەي پرەزيدەنتى قىتايعا بارادى. ال سولتۇستىك كورەيا باسشىسى 2002 جىلى اكەسى كيم جوڭ ير بارعان جەرلەرگە بارىپ، ارنايى مادەني باعدارلامالارعا قاتىسادى دەپ كۇتىلۋدە.

ەستەرىڭىزگە سالايىق، بۇعان دەيىن ءپۋتيننىڭ ءباسپاسوز حاتشىسى دميتري پەسكوۆ ەكى ەل باسشىلارىنىڭ كەزدەسۋىنە ارنالعان دايىندىق شارالارىنىڭ اياقتالعاندىعىن مالىمدەگەن. بىراق ول كەزدەسۋدىڭ قاي ۋاقىتتا جانە قاي جەردە وتەتىنىن ايتپاعان.

"The Qazaq Times"