ۋكرايناداعى پرەزيدەنتتىك سايلاۋعا رەسەي كۇشتەرى ارالاسۋى مۇمكىن

ۋكرايناداعى سايلاۋ مەرزىمى جاقىنداعان سايىن، ونداعى ساياسي جاعدايلار دا قىزا ءتۇستى. ءوزىن كەزەكتى رەت سىناپ كورۋگە تىرىسقان پەتر پوروشەنكو ەكىنشى مارتە سايلاۋعا قاتىسۋعا شەشىم قابىلداپتى. كوممۋنيستەر پارتياسىنىڭ كوشباسشىسى پەتر سيمونەنكو ورتالىق سايلاۋ كوميسسياسىنا قۇجاتتار تاپسىرىپ، پوروشەنكونى كانديداتتار تىزىمىنە تىركەۋ تۋرالى ءوتىنىش بەرگەن.

كازىرگى تاڭدا تىركەۋدە تۇرعان كانديداتتار حالىق اراسىندا جاقسى تانىس. بارلىعى 23 تۇلعا وزدەرىن بولاشاقتا ۋكراينا پرەزيدەنتى رەتىندە كورگىسى كەلەدى. الايدا، سوڭعى جىلدارداعى رەسەيمەن قاقتىعىستاردان كەيىن، ۋكراينالىقتار وزدەرىنە سەنىمدى باسشى تاعايىنداۋعا تىرىسىپ باعۋدا. سەبەبى، ءبىر كەزدەرى رف-نىڭ باسشىسى ۆلاديمير پۋتيننەن كومەك سۇراعان يانۋكوۆيچ، ءبىرتۇتاس شەكارانى تاس-تالقان ەتىپ، حالىقتى قىرعىنعا ۇشىراتىپ، ەلدەن قاشۋعا ءماجبۇر بولعان.

سونىمەن قاتار، ۋكراينا ىشىندەگى ءتۇرلى جاعدايلار دا جۇرتشىلىقتى تەرەڭ ويلانىپ داۋىس بەرۋىن ۇندەپ تۇرعانداي.  الايدا، مۇنىڭ قانشالىقتى ءادىل بولاتىندىعى بۇلىڭعىر بولاشاقتىڭ ەنشىسىندە.

نەگە دەسەڭىزدەر، اقش بارلاۋ قىزمەتىنىڭ اقپاراتى بويىنشا، رەسەي فەدەراتسياسى پەرت پوروشەنكونى ۋكراينا پرەزيدەنتى رەتىندە سايلانۋىنا توسقاۋىل قويۋى مۇمكىن. سەبەبى، ۋكراينا بيلىگىنە انتيرەسەيلىك كوزقاراسى تومەن پارلامەنتتى ورناتقىسى كەلەدى. بۇل ءۇشىن ەكونوميكا، جەمقورلىق، كيبەر شابۋىلدار جاساپ، قوعام اراسىندا پوروشەنكوعا قارسى ارەكەتتەر ىستەۋى دە ابدەن مۇمكىن.  سونىمەن قاتار، ءدال قازىر ۋكراينالىق ازاماتتار ناقتى داۋىستارىن كىمگە بەرەتىندىكتەرىن دە شەشپەگەن. وسىنى پايدالانعان وزگە كۇشتەر، تۇرعىنداردى وزدەرىنىڭ يكەمىنە كەلتىرىپ الۋى دا عاجاپ ەمەستىگى كورسەتىلگەن.

بۇدان بولەك، ۋكراينانىڭ ىشكى بارلاۋ قىزمەتىنىڭ باسشىسى ەگور بوجوك رف كەزەكتى رەت وتەتىن پرەزيدەنتتىك سايلاۋعا ارالاسۋ ءۇشىن وزدەرىنىڭ ارنايى جاساقتارىنا 350 ملن دوللار بولگەندىگىن مالىمدەگەن بولاتىن.

حالىقارالىق ساراپشىلاردىڭ ويىنشا، پرەزيدەنتتىككە تالاسقان تىم كوپ كانديداتتار، قازىر حالىقتىڭ ناقتى ءبىر شەشىمگە كەلۋىنە كەرى اسەرىن تيگىزىپ جاتقان كورىنەدى. ويتكەنى، «قويشى كوپ بولسا، قوي ارام ولەدى» دەگەندەي، حالىق ءوز داۋىستارىنىڭ سوڭىنان وپىق جەپ قالماۋدى ويلاپ وتىرسا كەرەك...

“The Qazaq Times”