foto: 112.ua

Ukrainadağı saylau merzimi jaqındağan sayın, ondağı sayasi jağdaylar da qıza tüsti. Özin kezekti ret sınap köruge tırısqan Petr Poroşenko ekinşi märte saylauğa qatısuğa şeşim qabıldaptı. Kommunister partiyasınıñ köşbasşısı Petr Simonenko Ortalıq Saylau Komissiyasına qwjattar tapsırıp, Poroşenkonı kandidattar tizimine tirkeu turalı ötiniş bergen.

Kazirgi tañda tirkeude twrğan kandidattar halıq arasında jaqsı tanıs. Barlığı 23 twlğa özderin bolaşaqta Ukraina prezidenti retinde körgisi keledi. Alayda, soñğı jıldardağı Reseymen qaqtığıstardan keyin, ukrainalıqtar özderine senimdi basşı tağayındauğa tırısıp bağuda. Sebebi, bir kezderi RF-nıñ basşısı Vladimir Putinnen kömek swrağan YAnukoviç, birtwtas şekaranı tas-talqan etip, halıqtı qırğınğa wşıratıp, elden qaşuğa mäjbür bolğan.

Sonımen qatar, Ukraina işindegi türli jağdaylar da jwrtşılıqtı tereñ oylanıp dauıs beruin ündep twrğanday.  Alayda, mwnıñ qanşalıqtı ädil bolatındığı bwlıñğır bolaşaqtıñ enşisinde.

Nege deseñizder, AQŞ barlau qızmetiniñ aqparatı boyınşa, Resey Federaciyası Pert Poroşenkonı Ukraina prezidenti retinde saylanuına tosqauıl qoyuı mümkin. Sebebi, Ukraina biligine antireseylik közqarası tömen parlamentti ornatqısı keledi. Bwl üşin ekonomika, jemqorlıq, kiber şabuıldar jasap, qoğam arasında Poroşenkoğa qarsı äreketter isteui de äbden mümkin.  Sonımen qatar, däl qazir ukrainalıq azamattar naqtı dauıstarın kimge beretindikterin de şeşpegen. Osını paydalanğan özge küşter, twrğındardı özderiniñ ikemine keltirip aluı da ğajap emestigi körsetilgen.

Bwdan bölek, Ukrainanıñ İşki barlau qızmetiniñ basşısı Egor Bojok RF kezekti ret ötetin prezidenttik saylauğa aralasu üşin özderiniñ arnayı jasaqtarına 350 mln dollar bölgendigin mälimdegen bolatın.

Halıqaralıq sarapşılardıñ oyınşa, prezidenttikke talasqan tım köp kandidattar, qazir halıqtıñ naqtı bir şeşimge keluine keri äserin tigizip jatqan körinedi. Öytkeni, «Qoyşı köp bolsa, qoy aram öledi» degendey, halıq öz dauıstarınıñ soñınan opıq jep qalmaudı oylap otırsa kerek...

“The Qazaq Times”