تۇركيا رەسەيدىڭ س-400 زىمىران جۇيەسىن ساتىپ الۋدان باس تارتپايدى

تۇركيا رەسەيدىڭ س-400 زىمىران جۇيەسىن ساتىپ الۋدان باس تارتپايدى.

تۇركيا پرەزيدەنتىنىڭ ءباسپاسوز حاتشىسى يبراگيم كالىن س-400 زىمىران جۇيەسىنە قاتىستى مالىمدەمە جاسادى.

«رەسەيدىڭ «س-400» زىمىران جۇيەسىن ساتىپ الۋ مەن اقش-تىڭ «Patriot» اۋە قورعانىس جۇيەسىن ساتىپ الۋدا ەشقانداي بايلانىس جوق. ءبىزدىڭ ۇستانىمىمىز وزگەرمەيدى. ءبىز ۇلتتىق قاۋىپسىزدىگىمىزدى قامتاماسىز ەتۋ ءۇشىن نە قالاساق، سونى ىستەيمىز. اقش تاراپىنان «Patriot» زىمىرانىنا قاتىستى ۇسىنىس الدىق. بىراق ءبىزدىڭ ولارعا تەحنولوگيالاردى الۋعا بايلانىستى قويعان بىرقاتار تالاپتارىمىز بار. اقش ونى تولىقتاي ورىنداي ما، جوق پا ول كەلىسسوزدەردەن كەيىن بەلگىلى بولادى. ال رەسەيدىڭ س-400 جۇيەسىنە كەلەتىن بولساق، ءبىز ماسكەۋمەن ءدال وسى تالاپتار بويىنشا كەلىسىمگە كەلگەنبىز»  دەدى كالىن.

بۇعان دەيىن رەسەي پرەزيدەنتىنىڭ ءباسپاسوز حاتشىسى دميتري پەسكوۆ «اقش-تىڭ تۇركياعا «Patriot» جۇيەسىن ساتۋى مەن رەسەيدىڭ س-400 قۇرىلعىسىن ساتۋ جونىندەگى كەلىسسوزدەر اراسىندا ەشقانداي بايلانىس جوق» - دەپ مالىمدەگەن. پەسكوۆتىڭ سوزىنشە، الداعى ۋاقىتتان قانداي جاعداي بولسا دا تۇركيامەن اراداعى كەلىسىم جۇزەگە اسىرىلادى.

"The Qazaq Times"