اقش ارمياسى ءسۇريا اۋماعىنان شىعا باستادى.
اقش مەملەكەتتىك حاتشىسى مايك پومپەو قاڭتار ايىنىڭ 3-ءى كۇنى «Newsmax» تەلەارناسىنا سۇحبات بەردى. وندا ول اقش ارمياسىن ءسۇريا اۋماعىنان شىعارۋ وپەراتسياسىنىڭ باستالعاندىعى جونىندە مالىمدەدى.
«اقش قارۋلى كۇشتەرى ءسۇريا اۋماعىنان شىعارىلۋدا. بىراق پرەزيدەنت ترامپ «يسلام مەملەكەتى» تەررورلىق ۇيىمىمەن كۇرەستى بۇنىمەن توقتاتپايدى. كۇرەس ارى قاراي جالعاسادى» - دەدى پومپەو.
2018 جىلدىڭ 24 جەلتوقسان كۇنى ترامپ ءسۇريا اۋماعىنان اقش اسكەرىن شىعارۋعا بايلانىستى قۇجاتقا قول قويعان. ونىڭ بۇل شەشىمىن فرانتسيا سياقتى وداقتاستارى «قاتەلىككە» بالاپ، ءوز قارسىلىقتارىن بىلدىرگەن. بۇنىمەن قاتار اق ءۇي اكىمشىلىگىنىڭ بۇل شەشىمىن العاشقىلاردىڭ ءبىرى بولىپ تۇركيا قولداعان. ساراپشىلار پىكىرىنشە، رەسمي انكارانىڭ ۋاشينگتوندى قولداۋىنىڭ گەوساياسي استارى بار. سەبەبى اقش اسكەرى ءسۇريا اۋماعىنان شىعارىلسا، تۇركياعا ءسۇريا كۇردتەرىنە قارسى كۇرەس جۇرگىزۋگە ەشكىم كەدەرگى كەلتىرە المايدى.
ءسۇريا پرەزيدەنتى باشار اسادتىڭ رەجيمى مەن تەررورلىق ۇيىمدار جانە ءارتۇرلى اسكەري توپتار اراسىنداعى قارۋلى قاقتىعىس 2011 جىلى باستالعان. وسى ۋاقىت ارالىعىندا 100 مىڭنان استام ادام كوز جۇمىپ، 5 ميلليونعا جۋىق سۇريالىق ەلدەن كەتۋگە ءماجبۇر بولعان. اقش باستاعان حالىقارالىق كواليتسيانىڭ «يسلام مەملەكەتى» تەررورلىق ۇيىمىنا قارسى وپەراتسياسى 2014 جىلدىڭ تامىز ايىندا يراك اۋماعىندا باستالعان. كەيىننەن ءدال وسى جىلدىڭ قىركۇيەك ايىندا ءسۇريا اۋماعىنا ويىسقان.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى