تۇركىمەنستان مەملەكەتى «ءبىز باردە» ء(بىز وسىندامىز) اتتى جەكە الەۋمەتتىك جەلىسىن قولدانىسقا ەنگىزدى. جەلىنىڭ نەگىزىن قالاۋشىلار جاڭا جوبانىڭ اتاۋىن قىسقارتىپ «بي-بي» دەپ اتاۋدى دا ۇسىندى.

قازىرگى تاڭدا جاڭا «بي-بي» الەۋمەتتىك جەلىسىن Android باعدارلاماسى ارقىلى 5 مىڭ ادام جۇكتەگەن.  الەۋمەتتىك جەلىنى ويلاپ تاپقاندار، مۇنىڭ وزگە انالوگتارىنان كەم تۇسپەيتىندىگىن العا تارتىپ وتىر.

13 جاستان جوعارى ازاماتتارعا ارنالعان باعدارلامادا، ءاربىر جەلى قولدانۋشىسى ءوزىنىڭ جەكە پاراقشاسىنان جاريالانعان قانداي دا ءبىر اقپاراتتارعا جاۋاپ بەرەدى. سوندىقتان، ەشكىمدى بالاعاتتاماي، تىنىشتىعىن بۇزباي جانە قىسىم ارەكەتتەرگە بارماۋ تۋرالى ەسكەرتپە كورسەتىلگەن. ءتىپتى، اكىمشىلىك جەكە پاراقشالاردان قانداي دا ءبىر جاعىمسىز اقپاراتتى اڭعارسا، كەز كەلگەن ۋاقىتتا بۇعاتتاي الادى.

ەستەرىڭىزگە سالا كەتەيىك، الەمدە تانىمال بولعان Facebook, Twitter, Instagram, ودنوكلاسسنيكي، جانە ۆكونتاكتە الەۋمەتتى جەلىلەرى تۇركىمەنستان ەلىندە تولىقتاي بۇعاتتالعان. ءبىر كەزدەرى ودناكلاسنيكي جەلىسىن تۇرعىندار ءبىرشاما ۋاقىت پايدالانعان. الايدا، بيلىككە قارسى اقپاراتتار كوپتەپ جاريالانا باستاعانىن بايقاعان اكىمشىلىك تەز ارادا بۇعاتتاپ ۇلگەردى. سونىمەن قاتار، وپپوزيتسيالىق پىكىرلەر جازعان ازاماتتاردى ارنايى قىزمەتكەرلەر جەكە-جەكە تىلدەسۋگە شاقىرعان. ەگەر ارنايى قىزمەت ماماندارى تۇركىمەنستان بيلىگى نەمەسە مەملەكەتى تۋرالى قانداي دا ءبىر سىني اقپاراتقا ءلۇپىل نەمەسە پىكىر جازعان ازاماتتاردى بايقاسا، وندا تۇرعىندارعا وتە جاعىمسىز اسەر ەتەتىندىگى راس.

"The Qazaq Times"