وزبەكستان ەكس-پرەزيدەنتىنىڭ  مەملەكەتتىك ىستەر جونىندەگى كومەكشىسى بولعان مۋيدجون توحيري قاماۋعا الىندى.

وزبەكستان باس پروكۋراتۋراسى تاراتقان مالىمەت بويىنشا، توحيري قاماۋعا الىنعان. قازىرگى تاڭدا ونىڭ ۇستىنەن قىلمىستىق ءىس قوزعالىپ، تەرگەۋ جۇمىستارى جۇرگىزىلۋدە. باس پروكۋراتۋرا ازىرگە ءتوحيريدىڭ نە ءۇشىن قاماۋعا الىنعاندىعى جونىندە باسقا ەشقانداي اقپارات تاراتپاعان.

مۋيدجون توحيري پرەزيدەنت يسلام كارىموۆتىڭ تۇسىندا 2006-2008 جانە 2011-2016 جىلدار ارالىعىندا ۇلتتىق قاۋىپسىزدىك قىزمەتى باسشىسى بولعان. 2013 جىلدان باستاپ يسلام كارىموۆ قايتىس بولعانعا دەيىن پرەزيدەنت قاۋىپسىزدىگى قىزمەتىن باسقارعان. بۇدان بولەك توحيري ءار جىلدارى قاۋىپسىزدىك كەڭەسى توراعاسىنىڭ ورىنباسارى، پرەزيدەنت كومەكشىسى قىزمەتتەرىن اتقارعان.

2016 جىلدىڭ جەلتوقسان ايىندا مۋيدجون توحيري كەدەن مەملەكەتتىك كوميتەتىنىڭ باسشىسى بولىپ تاعايىندالىپ، 2018 جىلدىڭ اقپان ايىندا قىزمەتىنەن بوساتىلعان.

"The Qazaq Times"