اقش اۋعانستان اۋماعىنداعى اسكەرىنىڭ تەڭ جارتىسىن شىعارماق

اقش اۋعانستانداعى اسكەر سانىن ازايتپاق.

«AFP» اقپارات اگەنتتىگىنىڭ مالىمەتىنشە، پرەزيدەنت دونالد ترامپ اۋعانستان اۋماعىنداعى اقش اسكەرىنىڭ تەڭ جارتىسىن ەلگە قايتارماق. ول بۇل شەشىمدى جەلتوقسان ايىنىڭ 20-ىنان 21-ىنە قاراعان ءتۇنى قابىلداعان.

«Wall Street Journal» باسىلىمىنىڭ حابارلاۋىنشا، قازىرگى تاڭدا اۋعانستان اۋماعىندا 14 مىڭ اقش ساربازى بار. جاقىن ۋاقىتتا ونىڭ 7 مىڭى اۋعانستان جەرىنەن شىعارىلۋى مۇمكىن.

ەستەرىڭىزگە سالايىق، 19 جەلتوقسان كۇنى ترامپ ءسۇريا اۋماعىنان اقش اسكەرىن شىعارۋعا بايلانىستى جارلىققا قول قويعان. ول ءوزىنىڭ بۇل قادامىن «يسلام مەملەكەتى» تەررورلىق ۇيىمىنىڭ جەڭىلىس تابۋىمەن بايلانىستىرىپ، اقش اسكەرىنىڭ بۇدان ءارى ءسۇريا اۋماعىندا قالۋىنا ەشقانداي نەگىز جوق ەكەندىگىن ايتقان.

"The Qazaq Times"