ەو مۇسىلمانداردىڭ بەرەكەسىن قاشىرعان ميانما ەلىنە قارسى سانكتسيانى كۇشەيتپەك

ميانما ەلىندە قىسپىققا ۇشىراعان مۇسىلمانداردىڭ تاعدىرىنا ەۋرووداق ۇيىمى الاڭداپ وتىر. وسىعان بايلانىستى كاشىن، شان جانە اراكان ايماعىندا ادام قۇقىعىنىڭ بۇزىلۋىنا بايلانىستى سانكتسيانىڭ كۇشىن ارتتىرۋدى كوزدەپ وتىر.

ەو ۇيىمىنىڭ سىرتقى ىستەر مينيسترلەرى جينالعان جيىن بارىسىندا ميانما ەلىنىڭ ىشكى ىستەر دەپارتامەنتى مەن اسكەري كۇشتەرىنە قارسى سانكتسيانىڭ تاعى ءبىر پاكەتىن دايارلاۋ تالقىلاندى.

بريۋسسەلدە وتكەن كەزدەسۋدە ۇيىمنىڭ ءاربىر وكىلدەرى ازيالىق ەلدىڭ ادام قۇقىعىن بۇزىپ، مۇسىلماندارعا قىسىم كورسەتىپ جاتقاندىعىن ايىرىقشا ەسكەرىپ، تاۋەلسىز حالىقارالىق تەرگەۋ ۇيىمداستىرىپ سوتقا جىبەرۋ كەرەكتىگىن دە العا تارتتى.

ەستەرىڭىزگە سالا كەتەيىك، 1970 جىلدان باستاپ روحينيا-مۇسىلماندارىنا قاۋىپ ءتونىپ، ەتنيكالىق تازالاۋعا ىلىككەن بولاتىن. سول ۋاقىتتان بەرى ەكى ميلليونعا جۋىق تۇرعىن كورشى ەلدەردەن پانا تاپسا، بانگلادەشكە قاراي بەت بۇرعانداردىڭ 700 مىڭنان استامى قىرعىنعا ۇشىراعان.

“The Qazaq Times”