سااكاشۆيليگە تاعى ءبىر ايىپ تاعىلۋى مۇمكىن

گرۋزيا پارلامەنتىنىڭ باسشىسى يراكلي كوباحيدزە ەكس-پرەزيدەنت ميحايل سااكاشۆيليدىڭ ۇستىنەن تاعى ءبىر قىلمىستىق ءىس قوزعالۋى مۇمكىن ەكەندىگىن ايتتى.

ونىڭ ويىنشا، پرەزيدەنت سايلاۋى اياقتالعاننان كەيىن، سااكاشۆيلي بارلىق اسكەردى، پوليتسيا مەن شەنەۋنىكتەردى بەيبىتشىلىككە شاقىرىپ، جاڭا پرەزيدەنتتىڭ كىم بولاتىندىعمەن ورتالىق سايلاۋ كوميسسياسىنىڭ مالىمدەمەسىنەن بۇرىن جۇرتشىلىقتى قۇلاعدار ەتكەن. ارادا بىرنەشە ساعات وتكەننەن كەيىن عانا وسك سالومە ءزۋرابيشۆيليدىڭ زاڭدى تۇردە پرەزيدەنت اتانعاندىعىن مالىمدەدى. سايلاۋ ءتارتىبىن بۇزىپ، ءوزىنىڭ جاقتاستارى ارقىلى العاش بولىپ اقپاراتقا يە بولدى دەپ ايىپ تاققان كوباحيدزە، بۇل ارەكەتى ءۇشىن جازالانۋى مۇمكىن ەكەندىگىن ايتتى.

ەستەرىڭىزگە سالا كەتەيىك، ميحايل سااكاشۆيلي گرۋزيا ەلىنىڭ ءۇشىنشى پرەزيدەنتى بولىپ 2013 جىلى گەورگي مارگۆەلاشۆيليگە ورىنىن بوساتقان بولاتىن. بۇدان كەيىن ونىڭ ۇستىنەن قىلمىستىق ىستەر قوزعالىپ حالىقارالىق ىزدەۋ جاريالانعان. پارلامەنت دەپۋتاتى ۆالەريا گەلاشۆيليدى ۇرعان ءۇشىن 6 جىلعا، 2005 جىلى "گرۋزيا بانك" قىزمەتكەرىنىڭ ولىمىنە قاتىسى بار دەگەن كۇدىكپەن 3 جىلعا جانە تبيليسيگە بولىنگەن قارجىنى جەكە باسىنا پايدالانىپ 5 ميلليون دوللاردى جىمقىردى دەگەن ايىپتار تاعىلعان ەكس-پرەزيدەنتكە تاعى ءبىر ايىپ تاعىلۋى مۇمكىن.

“The Qazaq Times”