فوتو: aa.com.tr

تۋنيستىكتەر ساۋد ارابياسىنىڭ تاق مۇراگەرى مۇحاممەد بين سالماننىڭ كەلۋىنە قارسى نارازىلىق شەرۋگە شىقتى.

قاتىسۋشىلار قولدارىنا "تۋنيس جەرىندە ارامدىققا جول جوق", "مۇحاممەد بين سالماندى تۋنيستىكتەر كۇتكەن جوق", "يەمەن بالالارىن ءولتىرۋدى توقتاتۋ كەرەك" دەگەن سوزدەرى بار پلاكاتتاردى ۇستاعان.

سونىمەن قاتار، زاڭ اسسوتسياتسياسىنىڭ مۇشەسى، شەرۋ قاتىسۋشىلارىنىڭ ءبىرى تاحير ياحيا دا تاق مۇراگەرىنىڭ قانداي ماقساتتا كەلسە دە تۋنيس جەرىندە ورىن جوق ەكەندىگىن اشىق تۇردە مالىمدەدى.

ساۋد ارابياسىنىڭ تاق مۇرەگەرى مۇحاممەد بين سالمان وتكەن اپتانىڭ بەيسەنبى كۇنى جۋرناليست جامال حاشوگگيدىڭ قازاسىنان كەيىن العاش رەت شەت ەلدىك تۋرنەگە شىققان بولاتىن. ءوزىنىڭ ساپارى كەزىندە اراب امىرلىگىنىڭ بىرنەشە ەلدەرىندە بولىپ، ارگەنتينادا وتەتىن "ۇلكەن جيىرمالىق" سامميتىنە قاتىسۋدى جوسپارلاعان. الايدا، تاق مۇراگەرىنىڭ تۋنيسكە بارۋى نارازىلىقپەن باستالدى. ارى قاراي قانداي بولاتىندىعى دا بەلگىسىز كۇيدە قالىپ وتىر.

"The Qazaq Times"