«ميگرانتتار كەرۋەنى» اقش شەكاراسىن بۇزىپ وتپەك بولدى

مەكسيكانىڭ تيحۋانۋ قالاسىنا جەتكەن «ميگرانتتار كەرۋەنى» اقش-پەن شەكاراداعى بيىك قابىرعانى بۇزىپ وتپەك بولدى.

500-گە تارتا ميگرانت شەكارادان وتۋگە تىرىسقانمەن، ءىرى قاقتىعىس ورىن الدى. سالدارىنان امەريكالىق جاۋىنگەرلەر كەلىمسەكتەرگە كوز جاساۋراتاتىن گاز جىبەرىپ، شابۋىلدى توقتاتتى. بۇعان قاتىستى اقش ىشكى قاۋىپسىزدىك ءمينيسترى كيرستەن نيلسەن بوسقىندار الدىمەن بەيبىت شەرۋ وتكىزىپ، كەيىننەن جاپپاي تارتىپسىزدىك بولعانىن حابارلادى. اق ءۇي باسشىسى دونالد ترامپ ءوزىنىڭ Twitter-دەگى جازباسىندا: «لاتىن امەريكاسى ەلدەرى ميگرانتتاردى بەرى جىبەرمەسە نەمەسە مەكسيكا تاراپى ولاردى ءبىزدىڭ وڭتۇستىك شەكارامىزعا جەتكىزبەي توقتاتسا دۇرىس بولار ەدى. بۇل ەلدەر ولاردى اقش-قا جىبەرىپ قۇتىلعىسى كەلەدى. بۇلاي ىستەۋگە بولمايدى. ەگەر سوت بويىنشا بوسقىنداردىڭ قۇجاتى تولىق، ءارى دۇرىس بولسا، شەكارانى اشامىز. ال سوت رۇقسات بەرمەگەن ميگرانتتاردىڭ ءبىر دە ءبىرىن اقش-قا كىرگىزبەيمىز»، – دەپ جازدى.

ەسكە سالا كەتەيىك، ءبىر اي بۇرىن گوندۋراستان بەت العان التى مىڭعا جۋىق بوسقىن مەكسيكا شەكاراسىنا جەتىپ، ارى اسپاق بولعان. قازىرشە مەكسيكا بيلىگى سيۋداد-يدالگو قالاسىنداعى ميگرانتتاردى ورنالاستىرۋ ورتالىعىنا 5000-نان استام ادامدى تىركەدى.

"The Qazaq Times"