ءسولتۇستىڭ كورەيا كوسەمىنىڭ اعاسىن ءوز جەرلەستەرى ولتىرگەن بولۋى مۇمكىن

سولتۇستىك كورەيا باسشىسى كيم چەن ىننىڭ ۇلكەن اعاسى كيم چوڭ نام مالايزيادا قاستاندىققا ۇشىراپ،  قايتىس بولعانى ءجايلى حابارلار ءتۇرلى باق بەتتەرىنىڭ قىزۋ تالقىسىنا ءتۇسىپ جاتىر. مالايزيا مەديالارىنىڭ حابارلاۋىنشا،  مالايزيا مەملەكەتىنىڭ ەڭ جوعارى لاۋازىمدى پوليتسەي باسشىسى دان سريلانكا مىنانى انىقتادى:  13 اقپان كۇنى 46 جاستاعى تەرىستىك كورەيالىق ءبىر ەر ادام كۋلالامپورداعى ءنومىرى ەكىنشى اۋەجايدا جولاۋشىلارعا قىزمەت كورسەتۋشىلەرىنىڭ جەدەل جاردەمىنە جۇگىنگەن،  ارتىنشا ەمحاناعا جەتپەي،  جولدا كوز جۇمعان. سەلانگور ايماعىنىڭ اكىمشىلىك ىستەرىنىڭ جاۋاپتىسى فازري 14 اقپان كەشتە قاستاندىقتان ولگەن ازاماتتى كيم چوڭ نام دەپ تۇراقتاندىردى.

سەلانگور ايماعىنىڭ ەڭ جوعارى پوليتسەي باسشىسى داتۋك ابدۋل سۋتانىڭ ايتۋىنشا،  كيم جوڭنام13 اقپان تۇستەن بۇرىن ساعات 8: 00 مولشەرىندە كۋلالامپور حالىقارالىق اۋەجايدا ۇشاق كۇتىپ وتىرعاندا،  بەلگىسىز ءبىر ايەل ادام وعان شابۋىلداپ،  سۇيىقتىققا مالىنعان بۇلمەن كيمنىڭ باسىن بۇركەي قويادى دا،  دەرەۋ قاشىپ كەتەدى. ەكى كوزى قاتتى جايسىزدانعان كيم جوڭنامدەرەۋ سول جەردەگى جەدەل جاردەم كومەگىنە جۇگىنگەن. الايدا،  قالالىق ەمحاناعا جەتپەي،  جولدا كوز جۇمعان. كيم چوڭ نام بيىل ماۋسىم ايىندا مالايزياعا كەلگەن،  ءدال سول كۇنى اۋمىنعا (ماكاو)  ۇشاتىن كەزەكتى ۇشاقتى كۇتىپ وتىرعان.

اۋەجايداعى كامەراعا تۇسكەن بەينەدەن قاستاندىق جاساۋشى ايەلدىڭ سولتۇستىك كورەيلىككە ۇقسايتىنى بايقالادى.

سول مايداندا بايقاپ قالعانداردىڭ ايتۋىنشا، ويىنداعىسىن ورىنداعان قانقۇيلى ايەل تاعى ءبىر ايەلمەن بىرگە دەرەۋ اۋەجايدان قاشىپ كەتكەن.

«قازىرشە ەشتەڭەنى دە كەسىپ ايتۋعا كەلمەيدى. مالايزيانىڭ جەرگىلىكتى زاڭ ورگاندارى قاندىقولدىڭ كىم ەكەنىن تۇراقتاندىرىپ،  مەديتسينالىق ساراپتانىڭ ناتيجەسى جارىققا شىقايىنشا،  كيم چوڭ نامنىڭ ءولىم سەبەبىنە بىردەڭە دەۋ قيىن»  دەدى ابدۋل سۋتا.

ال،  وڭتۇستىككورەيانىڭ  «ورتالىق گازەتى»  مەن جاپونيانىڭ  «بىرلىك»  اگەنتتىگى قىلمىس كۇماندىسى ەكى ايەل،  ولاردىڭ ەكەۋى دە ولگەن دەيدى.

اۋد:  ادىلەت احمەتۇلى

«The Qazaq Times»